खोज

गुर्भाकोट नगरपालीका ८ की दिपा सुनार घरमा गृहीणी थिइन् । कक्षा ९ सम्ममात्र अध्ययन गरेकी दिपालाई विवाहपछि पढ्ने अवसर मिलेन । पढाईनै नभएपछि जागीरको कल्पना दिपाले गरिनन् । दिपाको काम भनेको १२ जनाको परिवारलाई बिहान बेलुकी खाना पकाएर खान दिने मात्रै थियो । दिपा घरमा गृहिणीको रुपमा काम गर्ने भएपनी उनका श्रीमान् मिस्तुरी काम गर्छन् ।
बिहान बेलुकी घरको काम गर्ने र दिउसोमा दिपाले कृषीमा समेत काम गर्थिन् । दिपालाई घरको काम गर्दागर्दा कहिलेकांही त दिक्क लाग्थ्यो । सिप सिक्नलाई बाहिर जान सम्भव थिएन र गांउमै त्यो अवसर आएको पनी थिएन् । दिपा केहि सिप सिकेर रोजगार बन्न चाहान्थिन् । दिपाको त्यो चाहाना गुर्भाकोट नगरपालीकाले पुरा गरिदिएको छ ।
गुर्भाकोट नगरपालीकाले दिपाजस्तै ३० जना गृहिणी महिलाहरुलाई तिनमहिने सीलाई कटाई तालीम दिने भएपछि दिपा ९ महिनाको बच्चा घरमै छोडेर तालीम लिन आईन् । तिन महिने आधारभुत सिलाई कटाई तालीम लिनको लागी दिपाका परिवारले पनी ठुलो सहयोग गरें । तालीम सिक्दा सिक्दै दैनिक केहि पैसा कमाई हुन थाल्यो । सिप सिकेर पैसा कमाउन थालेपछि दिपालाई उद्यमी बन्ने रहर जाग्यो । २०७४ साल चैत्र १५ गते देखी शुरु भएको तालीम असार १५ मा सकियो र दिपा सिलाउन सक्ने पनी भईन् । तर व्यावसायी बन्नका लागी त्यतीले मात्रै पुगेन ।
फेरी १४ जना महिला मिलेर आºनै लगानीमा पुन तालीम सिक्दैछन् गुर्भाकोटमै । दिपा भन्छिन् ‘ नगरपालीकाले हामीहरुलाई आधारभुत सिलाई कटाई तालीम दियो । त्यतीले मात्रै व्यवसायी बन्न कठिन हुने भएपछि हामीहरु आºनै लगानीमा पुन तालीम लिंदैछौ । ’ हामीले अझै एड्भान्स तालीमको माग गरेका छौ । हामी गृहिणी भएर बस्न चाहान्नौ । सिप सिकेर रोजगार बन्न चाहान्छौं ।’
गुर्भाकोट नगरपालीका ८ कै टिका मिजार पनी पुर्नताजकी तालीममा सहभागी छन् । उनी पनी दिपासंगै नगरपालीकाले दिएको ३ महिने आधारभुत सिलाई कटाई तालीममा सहभागी पछि पुर्नताजकी तालीममा सहभागी भएकी हुन् आºनै लगानीमा । उनी भन्छिन् ‘ समएको परिवर्तनसंगै हामी महिलाहरुपनी व्यवसायी बन्न चाहान्छौं । त्यो अवसर नगरपालीकाले जुराएको हो । तर ३ महिने तालीमले मात्रै हाम्रो व्यवसायमा सफलता नहुने देखेपछि हामी १४ जना महिलाहरुले आºनै लगानीमा तालीम लिने आंट गरेका हौं ।’ उनी थप्छिन् ‘ नगरपालिका संग हामी महिलाहरुले एड्भान्स कोर्षको समेत माग गरेका छोै । ’ दिपा र टिका मात्रै होईन गुर्भाकोट ८ कै रत्नादेवि पुन पनी सिप सिकेर व्यवसायी बन्नमा उत्साहित देखिन्छीन् । उनी भन्छिन् ‘ हामी महिलाहरु कति दिन अर्कोको भरमा बांच्ने त्यसैले सिप सिकेर व्यवसायी बन्न चाहान्छौं । ’
रत्ना लगाएत गुर्भाकोट ८ का १४ जना महिलाहरुले नगरपालीकाले दिएको आधारभुत सिलाई कटाई तालीम पछि पुर्न ताजकी तालीमको आयोजना गरेका हुन् । उनीहरुले आºनै लगानीमा प्रशिक्षक बोलाई पुर्नताजकी तालीमको आयोजना गरेका हुन् । उनीहरु सिप सिकेर उद्यमी बन्न चाहान्छन् ।
प्रशिक्षक सिमीला खड्का भन्छिन् ‘मैले २०४५ सालबाट सिलाई कटाईको प्रशिक्षकको रुपमा काम गर्दै आएकी छु । तर गुर्भाकोटका महिलामा जस्तो उत्साह मैले कहिं पनी देखीन । ’ सरकारको पैसा भनेपछि सक्नैका लागी हो भन्ने सोच यहांका महिलामा नभेटेको प्रशिक्षक खड्काको भनाई रहेको छ ।
उता गुर्भाकोट नगरपालीकाका प्रमुख हस्त पुनले समावेशी तथा लक्षीत कार्यक्रम अन्र्तगत यो तालीमको आयोजना गरेको बताएका छन् । उनी भन्छन् ‘ महिलाहरुको जिबनस्तर उकास्नका लागी लक्षीत वर्गका ३० जना महिलाहरुलाई यो तालीम दिईएको थियो । त्यसमध्ये १४ जना महिलाहरु बढि उत्साहित देखीएका छन् ।’ उनीहरुलाई पुन एड्भान्स कोर्षसमेत नगरपालीकाले दिनको लागी बजेट छुट्टाएको प्रमुख पुनले बताए । आर्थीक वर्ष २०७४÷७५ को बजेटबाट तालीमको लागी नगरपालीकाले २ लाख ५० हजार छुट्टाएकोे गुर्भाकोट नरपालीकाले जानकारी दिएको छ ।