खोज

 रेनोको बहुप्रतिक्षित एसयुभी क्याप्चरको भैरहवामा बुकिङ्ग खुल्ला गरेको छ । रेनो गाडीको अधिकारिक वितरक भैरहवा अटो कम्पनीले उक्त बुकिङ्ग खुल्ला गरेको हो । नेपाली बजारमा आएको रेनो क्याप्चर नयाँ प्रिमियम फिचर सहित आफ्नो सेग्मेन्टमा अब्बल रहेको छ ।
आर्कष डिजाइन सहितको रेनो क्याप्चर यो सेग्मेन्टमा गेम चेन्जरको रुपमा रहेको छ । पूर्ण स्टनिङ डिजाइन सहितको एसयुभी रेनोको ग्लोबल डिजाइन हो । जसमा आर्कष दोहोरो कलर दिइएको छ ।
यो प्रिमियम एसयुभी प्रिमियम फिचरसहित आएकोे हो । रेनो क्याप्चरमा एलइडी हेड्ल्याम्प, टेललाईट र डिएलआर लाईट लगाइएको छ । अन्य फिचरमा फुल्ली अटोमेटिक टेम्पेचर मेन्टेन विथ रियल कुलिङ भेन्ट, स्टेरिङ ह्वील कन्ट्रोल, कि लेस एन्ट्री, पुस बटन र अटो क्लाईमेट जस्ता फिर्चस छन् ।

रेनो क्याप्चरमा दुई इन्जिनमा उपलब्ध छन् । यसमा १.५ लिटर द लिजेन्ड्री के ९ के डिजेल इन्जिन दिइएको छ । यसले ११० पीएस पावरमा २४० एनएम टर्क प्रदान गर्ने छ । एच४के १.५ लिटर पेट्रोल इन्जिनले १०५ बीएचपी बराबर पावर र १४२ एनएम टर्क उत्पादन गर्छ ।

रेनो क्याप्चर पूर्ण सुरक्षाको फिचर सहित आएको छ । भने यसको पर्फमेन्स अकल्पनिय रहेको छ । सुरक्षाको लागि कुनै किसिमको सम्झौता गरिएको छैन । जसमा स्टेट अफ आर्ट टेक्नोलोजि अन्र्तगतको क्रुज कन्ट्रोल, स्पिड मिटर र सटेरिङ ह्वाइल कनट्रोल दिइएको छ । यसको अलावा डियुल एयर व्याग र एबीएस, इबिडी, ब्रेक एसिस्टेनस्जस्ता सुरक्षा फिचर रहेका छन् ।

रेनो विश्वमै लोकप्रिय ब्राण्ड भएको भैरहवा अटो कम्पनीका सञ्चालक दिपेश पछाईले दावी गरे । “भारतीय बजारको सफलतापछि हामीले यो सफल कारलाई नेपालमा ल्याएका हाँै ।” पछाईले भने आफ्नो सेग्मेन्टमा यो कार निकै चर्चित, लामो र फराकिलो रहेको छ । “रेनो क्याप्चरले नेपाली बजारमा निकै ठूलो सफलता पाईसकेको छ, हामीलाई विस्वास छ भैरहवा बजारमा पनि यसले त्यस्तै सफलता दोहोराउने छ ।” रेनो क्याप्चरले नेपाली बजारमा क्यापचरले एउटा विशेष स्थान बनाउने छ ।’ भैरहवामा आयोजीत कार्यक्रममा एड्भान्स अटो मोबाईल्स कम्पनीका महानिर्देशक अधिर कुमार श्रेष्ठले रेनोे क्याप्चरका बिषयमा ग्रहकहरुलाई जानकारी गराएका थिए ।