खोज

बुटवल,२ साउन । लायन्स क्लब अफ बुटवल देउरालीको वर्ष २०२३।२४ का लागि दीपक पन्थीको अध्यक्षतामा नयां नेतृत्व चयन भएको छ । क्लबको सातौं साधारणसभाको निर्वाचनले पन्थीलाई अध्यक्षमा सर्वसम्मत निर्वाचित गरेको हो । क्लबको प्रथम उपाध्यक्षमा कृष्णप्रसाद भण्डारी,द्वितीय उपाध्यक्षमा माधवराज पोखरेल,तृतीय उपाध्यक्षमा मोहनीलाल रिजाल,सचिवमा राजकुमार गुप्ता,कोषाध्यक्षमा कृष्णप्रसाद पाण्डे,सहसचिवमा नागेन्द्र आचार्य,सहकोषाध्यक्ष देबु खनाल,मेम्बरसीप डाइरेक्टर ललित पाण्डे,टेल टुइस्टर मात्रिका अधिकारी,टेमरमा मनोहर न्यौपाने,पब्लिक रिलेसन अफिसर भिमप्रसाद अधिकारी चयन भएका छन् । यस्तै डाइरेक्टरहरुमा बाबुराम भुसाल, हरिप्रसाद ज्ञवाली,खगेन्द्र पाण्डे,केशव बन्जाडे र नारायण भण्डारी चयन भएका सचिव राजकुमार गुप्ताले जानकारी दिए ।
क्लबमा ३८ जना सदस्य रहेका छन् । क्लबको नव निर्वाचित कार्यसमितिको पदस्थापन र प्रथम बोर्ड बैठक समेत सम्पन्न भएको छ । प्रथम बोर्ड तथा जनरल वैठकले वार्षिक कार्ययोजना पारित गरेको छ । जसमा सचिवालय व्यवस्थापन, आन्तरिक कोष परिचालन, सामाजिक कार्यक्रमहरु तय गरेको अध्यक्ष दीपक पन्थीले जानकारी दिए । बुटवल श्रवणपथमा रहेको सचिवालय अब बुटवल कालिकापथमा सर्ने भएको छ । यस्तै नयां क्लबहरु स्थापना,डाइरेक्ट्री प्रकाशन, अनाथ बालबालिकाको अभिभावकत्व ग्रहण, स्वास्थ्य शिविर, क्लब ब्राण्डिङ, सदस्यता बृद्धि,आजीवन सदस्यता विस्तार,लायन्स अभिमुखीकरण,फेलोसिप,फण्ड राइजिङ, शैक्षिक सामग्री वितरण, क्लब भिजिट लगायतका ४८ वटा कार्यक्रमहरु गर्ने पनि कार्ययोजना रहेको अध्यक्ष दीपक पन्थीले बताए । प्रथम बोर्ड बैठकमा लायन्स इन्टरनेसनल डिस्ड्रिक्ट ३२५ पीका डिस्ट्रिक चिफ गणेशप्रसाद भट्टराई,डिस्ड्रिक्ट डेपुटी चिफ भोजराज पाण्डे,क्लबका संस्थापक अध्यक्ष टिकाराम बन्जाडे,पुर्व अध्यक्ष ज्ञानप्रसाद पौडेल लगायतले विगत वर्ष भन्दा अझ धेरै र प्रभावकारी सामाजिक काम गर्न सुझाव दिएका क्लबका सचिव राजकुमार गुप्ताले जानकारी दिए ।