खोज

बुटवल,  जेठ ।
पछिल्लो समय प्रहरीमा धेरै उजुरीहरू आफ्नो बैंक खाताबाट रकम अरू कसैले निकालि दिएको भन्दै उजुरी गर्न आउनेहरूको संख्या बढदै गएको छ । खाता नम्बरकै भरमा हुने यस्ता चोरीले धेरै मानिसहरू अहिले तनाबमा छन । यसरी भैरहेको बैंकिङ्ग चोरी समयमा रोकथाम नगर्ने हो भने यसले ठूलो समस्या निम्ताउने पक्का देखिन्छ ।
घटनाः करिब १ महिना अगाडि बुटबल ११ बस्ने माधब प्रसाद न्यौपानेलाई फोन आयो हिन्दीमा बोलिरहेको एक जना मानिसले कौन बनेका करोड पती बाट भन्दै तपाईलाई २५ लाख चिठ्ठा परेको छ तपाईलाई धन्यबाद भन्दै तपाईको एनएमबि बैंकको खाता नम्बर दिनुहोला तपाईले केही गर्नु पर्दैन पैसा आउँछ । पैसा आएपछि १०÷१५ हजार गरिबहरूलाई बाँड्नुहोला भन्दै कुरा हुन्छ ।

न्यौपानेले नजिकै रहेको एनएमबि बैंकको आफ्नो खाता नम्बर दिन्छन जुन खातामा पैसा नभएका कारण नम्बर दिएको बताउँछन । यस्तो हुनै सक्दैन भन्ने लागेर फरक हो भन्ने लागेपछि न्यौपाने तुरुन्त बुटबलको देबिनगर चौपारी नजीकै रहेको एनएमबि बैंक पुगेर सबै कुरा बताउँछन । बंैकबाट सहज जवाफ आउँछ । केही हँुदैन हामीले हरेक मैना कोड चेन्ज गर्छाैं चिन्ता नगर्नु बैंकले यति भनेपछि उनी ढुक्क हुन्छन फोन सम्वाद भएको करिब २ महिना पछि उनको खाताबाट एकाएक एक लाख ४ हजार निकालिएको म्यासेज आउँछ । उनी तुरुन्त बैंक पुग्छन र बैंक खाता बन्द गराउँछन खाताबाट पैसा निकालिएको भन्दै उनी प्रहरीकोमा उजुरी दिएका छन प्रहरीले यसबारेमा अनुसन्धान गरिरहेको छ । न्यौपाने भन्छन छोरीले बाबालाई पठाईदिएको पैसा अर्कैले लगिदिएपछि अहिले म पीडामा छु बंैकले समयमा काम नगर्दा यस्तो भयो उनको गुनासो छ ।घटना तिलोत्तमा नगरपालिका ३ घर भएकी नाम परिवर्तन सितालाई मंगलबार बिहान करिब १० बजेतिर फोन आयो तपाईलाई २५ लाख चिठ्ठा परेको छ तपाईको एनएमबि बैंकको खाता नम्बर दिनुहोला धेरै पैसा पाउने लोभमा भनेकै बैकको खाता नम्बर दिन्छीन खाता नम्बर दिएको केही बेरमा आफनो खाताबाट धमाधम पैसा निकालीरहेको म्यासेज मोवाईलमा आएपछि उनी आतिन्छिन हार गुहार गर्दै दौडिदै एनएमबि बैंकको ड्राईभरटोल शाखामा पुग्छीन ‘‘मेरो खाताबाट पैसा निकालीरहेको छ बन्द गरिदिनु परो भन्दा बैंक कर्मचारीले जहाँबाट खाता खोलेको हो त्यहीँ गएर बन्द गर्नुपर्ने भनेपछि बुटवल आउँदासम्म उनको खाताबाट करिब ६ लाख गैसकेको हुन्छ’–उनले भनिन ।
बैंकले समयमा काम नगरीदिँदा धेरै पैसा गुमाउनु परेको उनको गुनासो छ । यसरी अबैध रूपमा चोरी गरी तानिएको पैसा बिभिन्न मानिसहरूको खातामा पठाउने गरेको प्रहरीको भनाई छ । केही पैसा जेनुन मानिसहरूकोमा पुगेको पनि छ । त्यस्ता मानिसहरूले फिर्ता गरेका पनि छन तर धेरै जनाको खातामा जाने हुँदा अनुसन्धान गर्न कठीनाई भैरहेको बताउँछन् ।

बुटवलका एक उद्योगीलाई इसेवा बाट भन्दै फोन आउँछ हजुरको इ–सेवा चलाए बापत केही बोनस हाल्दीनु पर्ने भएकाले बैंक खाता दिनु भनेको र केही समयपछि खाताबाट ५० हजारका दरले करिब ४ लाख बढी लगेको उनको भनाइ छ । इलाका प्रहरी कार्यालय बुटवलमा उजुरी दिएको छु प्रहरीले अनुसन्धान हुँदैछ भनेको उनको भनाइ छ ।
यी प्रतिनिधि घटना हुन पछिल्लो समय बैंक खाता दिएकै भरमा पैसा चोरी हुनुले नेपालको बैकीङ्ग प्रणाली नै असुरक्षित देखिएको गुनासो गर्न थालेका छन । खाता नम्बर भनेको सामान्य कुरा हो तर यसैलाई प्रयोग गरेर खाताबाट पैसा चोरी हुनु दुःखद पक्ष भएको सरोकार वालाहरूको भनाइ छ ।
यता इलाका प्रहरी कार्यालय बुटवलका प्रमुख प्रहरी नायब उपरीक्षक दान बहादुर थापाले पछिल्लो समय बिभिन्न चिठ्ठाका नाममा अनलाईन सामान खरीद गर्ने बहानामा जनता ठग्ने काम भैरहेको भन्दै खाता खोल्ने प्रकृया बैकीङ्ग सिस्टमलाई कडाई गर्नुपर्ने र आफूले प्रयोग गर्ने इ–सेवा, इ–बैकीङ्ग मोबाईल बैकिङ्ग प्रयोग गर्नेहरूले पर्याप्त सुरक्षा साबधानी नअपनाउँदा यस्ता घटना घट्ने गरेको प्रमुख थापाको भनाइ छ ।