खोज

भ्रष्टाचार गर्दैन,गर्न पनि दिदैन र सहदैन भन्ने नाराका साथ आईतबार गैडहवा गाँउपालिकामा १५ औं राष्ट्रिय भ्रष्टचार बिरुद्धको दिवस मनाइएको छ । सुर्यपुरा साथी संजालको आयोजना तथा सुनगाभा सामुदायिक बिकास केन्द्र,रूपन्देही र स्ट्रोम फाउण्डेसन नेपालको सहयोगमा कार्यक्रम सम्पन्न भएको हो ।
कार्यक्रममा बोल्दै जयप्रकाश पाश्वानले भष्टचारलाई निरुत्साहित गर्न सबैले आफ्नो ठाँउबाट सजग हुने र सजग हुन सिकाउनु पर्ने बताए । कुनै पनिे योजनाहरूको उपभोक्ता समुहमा बसी योजनाको लागत इस्टिमेट बमोजिम काम भएको छ छैना भनि अनुगमन गर्नु पर्ने एक अशल नागरिकको दायित्व भएकोले र योजनाका एक पैसा पनि चुहावट हुन नदिइ काम गर्न यसमा सजग हुनुपर्नेमा जोड दिएका थिए । भ्रष्टचार अन्त्य गर्नका लागि जनप्रतिनीधि र कर्मचारीहरू भ्रष्ट सोचबाट मुक्त हुनुपर्ने शिबशक्ति सामुदायिक बिकास केन्द्रका अध्यक्ष अयोद्धया सिंहले बताए । नगेन्द्र प्रताप सिंहले भ्रष्टचार रहित गाउँपालिका बनाउँछु भनेर चुनाब जितेकाले आज भ्रष्टचारलाई प्रश्रय दिइरहेको आरोप लगाए । मात्र फरक यो हो कि पहिला सेवाग्राहीसंग सिधै चिया नास्ताको बहानामा पैसा माग्थे तर अहिले योजनाको नाममा ठेकेदार र सामान खरिदमा कमिशन खान्छन यो पनि भ्रष्टचार हो त्यसैले योजनाको अनुगमन र समान खरिदबाट कमिसन खाने बानीको अन्त्य गरे भ्रष्टचारको अन्त्य हुने कुरामा जोड दिएका छन ।
यसै गरि २ नं. वडाका वडा अध्यक्ष तुल बहादुर पुनले सबै जनप्रतिनीधिहरूलाइ एउटै डालोमा राखेर नहेर्न र गाउँपालिकामा भ्रष्टचार भएको थाहा पाए कहिले कुन ठाउमा कसरी भ्रष्टचार भएको तुरुन्त खबरदारी र प्रतिकार गर्न आग्रह गर्दै हरेक बिषयलाइ भ्रष्ट आखाले नहेर्न अनुरोध गरेका छन । त्यस्तै बडा नं.६ का वडा सदस्य शिब कुमार यादबले भ्रष्टचारको अन्त्य गर्न जनप्रतिनिधीहरूको सोचमा भ्रष्ट आचरणको त्याग्नु पर्ने र गाउँपालिकामा केही सिमित ब्यक्ति र प्रतिनिधीहरूको मिलेमतोमा भ्रष्टचार भैरहेको स्विकार गर्दै गाउँपालिकामा भैरहेको कार्य बिरुद्ध आवाज उठाइरहेको तर कसैको साथ नपाइरहेको दुःखेसो ब्यक्त गरेका छन ।
कार्यक्रमको आवश्यकता र औचित्य बारे सुनगाभा सामुदायिक बिकास केन्द्रका कार्यक्रम अधिकृत प्रकाश थापाले बिश्वको भ्रष्टचार गर्ने देशहरूको सुचीमा नेपाल १२२ औं स्थानमा परेको र देशलाइ भ्रष्टचार मुक्त देश बनाउन स्थानीय तह देखिनै नागरिक,जनप्रतिनिधी र कर्मचारीहरू बिचको सम्बन्धलाइ मजबुत बनाइ सुशासन र पारदर्शी बनाउन सके र स्थानिय तह देखिने भ्रष्टाचार अन्त्यको शुरुवात गर्न सबै लाग्नको लागि सचेतना कार्यक्रम सहितको दिवस मनाइएको बताए । सुर्यपुरा साथी संजालका अध्यक्ष द्वारीका हरिजनको उपस्थितीमा सम्पन्न कार्यक्रममा धमौली साथी संजालकी समीर निसार दर्जी सुनगाभा सामुदायिक बिकास केन्द्रकी सिबिएम इन्दु परियारले लगायतले बोलेका थिए ।