खोज

पछिल्लो समय कुस्ती खेलप्रति दर्शकको आकर्षण बढ्दै गएको छ । राष्ट्रिय खेलमा समावेश हुन नसकेपनि मेला महोत्सव तथा अन्य उत्सवको बेला कुस्तीले स्थान पाउन थालेको छ । कुस्ती खेलमा पहलवानी देखाउने भएकाले पनि खेलप्रेमीहरूमा लागि कुस्ती खेलप्रति आकर्षण बढेको हो ।
यसैबीच कुस्ती खेलको संरक्षण गरी राष्ट्रिय स्तरमा यसको पहिचान कायम गर्न चन्द्रौटा महोत्सवमा पहिलो पटक कुस्ती खेल प्रतियोगिता संचालन गरिएको छ । खेलको माध्यमबाट पहलवानहरूमा हौसला प्रदान गर्न र खेलको जगेर्नाका लागि महोत्सवमा कुस्ती खेललाई प्राथमिकता दिइएको आयोजक संस्था व्यापार संघ कपिलवस्तुका अध्यक्ष एवं महोत्सव संयोजक महादेव पोखरेलले जानकारी दिए ।
महोत्सवमा संचालन भएको कुस्ती खेलले यतिबेला दर्शकको मन जित्न सफल भएको छ । कुस्ती प्रतियोगितामा महिला र पुरुष दुवैको अलग अलग प्रतियोगिता भइरहेको कुस्ती खेल प्रवद्र्धक रबिदयाल ठाकुरले जानकारी दिए । खेलमा नेपाल र भारत करीब २२ जना पहलवानहरूको सहभागिता रहेको उनले बताए । महोत्सवको पहिलो दिन मंसिर ६ गतेदेखि कुस्ती प्रतियोगिता दर्शकको आकर्षणको केन्द्र विन्दु बनेको छ ।
कुस्ती प्रयोगितामा महिला पहलवानहरूको हेर्न दर्शकहरूको ओइरो नै लाग्ने गरेको छ । हरेक विहान ११ बजेदेखि शुरु हुने कुस्ती खेलमा दैनिक १ हजार बढी दर्शकहरूले अवलोकन गरेको पाइन्छ । कुस्ती खेलप्रति आफू निकै प्रभावित बनेको अवलोकनकर्ताहरू बताउँछन् ।