खोज

रूपन्देहीमा जारी दोस्रो संस्करणको तिलोत्तमा प्रिमियर लिग क्रिकेट प्रतियोगिताको अन्तिम लिग खेलमा मणिग्राम किङ्गलाई २२ रनले पराजित गर्दै बुटवल डाईनामाईट दोस्रो जित निकाल्दै सेमीफाईनलमा प्रवेश गरेको छ । योसंगै प्रतियोगिताको सेमीफाईनल समिकरण पुरा भएको छ । मणिग्राम किङ्गले २ खेलमा जितसहित ४ अंक र नेटरनरेटको आधारमा समुह विजेता र बुटवलले २ खेलमा जित निकाल्दै ४ अंकसहित उपविजेता बन्दै सेमीफाईनलमा प्रवेश गरेका हुन । समुह ए मा रोयल शंकरनगरले ३ खेलमा जित निकाल्दै ६ अंकका साथ समुह बिजेता र लुम्बिनी कासाई दुई खेलमा जित निकाल्दै ४ अंकका साथ उपविजेता हुदै सेमीफाइनलमा प्रवेश गरेका छन । यो समुहबाट रोयल च्यालेन्जर भैरहवा र ज्ञानोदय बाहिरिएको छ । शुक्रबार पहिलो सेमीफाईनल खेलमा रोयल शंकरनगर र बुटवल डाईनामाईट तथा दोस्रो सेमीफाईनल खेलमा लुम्बिनी कासाई र मणिग्राम किङ्गका बिचमा खेल हुने छ ।
तिलोत्तमा क्रिकेट विकास समितिको आयोजनामा तिलोत्तमा नगरपालिका वडा नम्बर ६ स्थित नवजिवन क्लवको खेल मैदानमा विहिबार भएको निर्णायक खेलमा टस जितेर ब्याटिङ्गको निणर्य गरेको बुटवल डाईनामाईटले निर्धारित २० ओभरमा ४ विकेटको नोक्सानीमा १ सय ५७ रनको लक्ष्य खडा गरेको थियो । शुरुवातमा धरमराएको बुटवलको ब्याटिङ्ग लाईनलाई पाचौ नम्बरका ब्याट्सम्यान हरि बहादुर चौहान र छेैटौ नम्बरका सौरभ खनालले सम्हालेका थिए । सौरबले ६ छक्का र २ चौकाको मद्यतले २४ बलमा विष्फोटक ५४ तथा हरिले २५ बलमा २५ रन बनाए । मणिग्रामका लाल बहादुर अधिकारीले २ विकेट लिएका थिए । मध्यम लक्ष्य पछ्याएको मणिग्रामका ब्याट्सम्यान पुरै २० ओभरमा ८ विकेटको नोक्सानीमा १ सय ३५ रनमा समेटियो । मणिग्रामका ओपनर भुवन गैरे शुन्यमा आउट भएपनि राहुल लोहारले २१, कृष्ण सार्कीले ३९ तथा सन्दिप रजालीले १७ रन जोडेपनि जितका लागि पर्याप्त भएन । कम स्कोरमा रोक्न विकास श्रेष्ठ र सौरभ खनालले समान २–२ विकेट लिएका थिए । खेलमा बुटवल डाईनामाईटका सौरभ खनालले म्यान अफ दी म्याचबाट पुरस्कृत भए ।
विहिबार विहान भएको पहिलो खेलमा रोयल शंकरनगरले लुम्बिनी कासाई ग्लाडियटर्सलाई ७१ रनले पराजित गरेको छ । टस जितेर ब्याटिङ्गको निणर्य गरेको शंकरनगरले निर्धारित २० ओभरमा ७ विकेटको नोक्सानीमा १ सय ८५ रनको लक्ष्य खडा गरेको थियो । जुन लक्ष्य प्रतियोगिताकै सर्वाधिक समेत हो । ओपनर सुनिल कुमार र सन्दिप सुनारको राम्रो पार्टनरसिप हुन सकेन । सुनिल २ बलमा केवल ४ रनमा महेशपति मिश्राको बलमा बोल्ड भएपनि सन्दिपले ३३ बलमा ५४ रन बनाएका थिए । खेलमा रोहित पौडेलले ३२ तथा सुशान्त भारीले २८ रन बनाएका थिए । लुम्बिनीका भिम सार्कीले ४ ओभर बलिङ्ग गर्दै १४ रन दिएर ३ विकेट लिएका थिए । विशाल लक्ष्य पछ्याएको लुम्बिनी कासाई १६ ओभरमा केवल १ सय १४ रनमा समेटिएको थियो । लुम्बिनीका ओपनर कुशल मल्ल २९ बलमा ३८, दुर्गेस कुर्मी १२ बलमा १३ र भिम सार्की १५ बलमा ३० रन बाहेक अन्य ब्याट्सम्यानले दोहोरो अंक जोड्न सकेनन । कम स्कोरमा रोक्न शंकरनगरका रोहित कुमार पौडेल, सन्दिप सुनार, राहुल चौहान र बिशाल भुषालले समान २–२ विकेट लिएका थिए । खेलमा रोयल शंकरनगरका सन्दिप सुनार म्यान अफ दी म्याचबाट पुरस्कृत भए