खोज

शंकरनगर क्रिकेट क्लबले खेलाडी सम्मान तथा जर्शी वितरण गरेको छ । मङ्सिर १ गतेदेखि शुरु हुन गैरहेको टिपीएलमा सहभागी हुन लागेको क्लबले आफ्ना खेलाडी परिचय गराउँदै आफ्नो जर्शी समेत प्रदर्शन गरेको छ । क्लबका अध्यक्ष निरज पौडेलले खेलाडीहरूको हौसला प्रदानग गर्नुको साथै सफलताको कामना गरेका थिए ।
समाजसेवी कल्याण पौडेलले पनि खेलाडीहरूलाई सफलताको अग्रीम शुभकामना दिए । कल्याण पौडेलले खेल र खेलाडी एक सिक्काको दुईपाटा भएकाले सरकारी र गैर सरकारी संघसंस्थाबाट यसको क्षेत्रलाई फराकिलो बनाउन भूमिका खेल्नुपर्ने बताए । उनले समाजमा रहेर कुलत र विसंगतिमा लागेका युवा खेलकुदमा लाग्दा समाज र देश बिकासमा टेवा पुग्ने भन्दै क्लबको सफलताको कामना गरेका थिए । अघिल्लो बर्षको टिपिएलमा सेमी फाइनलसम्म पुगेको सो क्लब यस बर्षको खेलमा आफ्नो क्लबमा नेपालबाट खेल्ने रास्ट्रिय खेलाडीहरू धेरै भएकोमा उपाधि चुम्न सकिने आशा रहेको क्लबका अध्यक्ष निरज पौडेलले बताए । सो कार्यक्रममा बोल्दै जागृति युवा क्लबका अध्यक्ष अर्जुन प्रसाद पौडेलले स्थानीय युवाहरूलाई राष्ट्रिय स्तरसम्म पु¥याउन यस्तो खेलको अभ्यासले योगदान पुग्ने बताएका थिए ।

त्यस्तै क्लबका सहयोगी तथा ज्ञानु कार्कीले खेल र खेलाडीको सम्मानमा सबै डटेर लाग्नुपर्ने र खेलकुदको बिकाशमा सबै एकताबद्द हुनुपर्ने बताए । क्लबको सो कार्यक्रममा नेपाली राष्ट्रिय टिमका रोहित पौडेल, शुसंता भारी, सन्जिब सुनार, रूपेश बास्तोला लगायतका सबै खेलाडीलाई सम्मान गरिएको थियो। सो अवसरमा प्रमुख अतिथि कल्याण पौडेल, सभापति निरज बराल, गोकुल चापागाईं, प्रशिक्षक बसन्त शाहीले सबै खेलाडीलाई पोशाक हस्तान्तरण गरेको गंगाराम सुनारले जानकारी दिए ।