खोज

बिद्यालयको लागत सहभागितामा १०४ थान ल्यापटप र प्रोजेक्टर बितरण गरेको सैनामैना नगरपालिकाले शिक्षकलाई कम्प्यूटर चलाउने सीप दिइरहेको छ । सुचना, सञ्चार तथा प्रबिधिको प्रयोग सम्बन्धी तालिम आधारभुत तह र माध्यमिक तह गरि दुई चरणमा सञ्चालन गरिएको छ । आधारभुत तहको कार्तिक १५ गते सम्म सञ्चालन भएको थियो भने माध्यमिक तहको १६ गते बाट सञ्चालन भैरहेको छ ।
सैनामैना नगरपालिकाले शिक्षा सुधारको लागि ठुलो बजेट खर्च गरेको सैनामैना नगरपालिकाका नगर प्रमुख चित्र बहादुर कार्कीको भनाई रहेको छ । तालिममा प्रशिक्षार्थीहरूलाई बिद्यालयमा बिद्यार्थीहरूलाई अध्यापन गर्नको लागि आबश्यक पर्ने बिषयगत सामाग्रीहरू ल्यावटपमा कसरी बनाउने, पावर प्वईन्टबाट कसरी कक्षा कोठामा प्रस्तुति दिने, आबश्यक शिक्षक सामाग्राीहरू कसरी ईन्टरनेटको प्रयोगबाट डाउनलोड गर्ने, आफुले बनाएको शिक्षण सामाग्राीलाई कसरी सुरक्षित तरिकाले राख्ने लगायतका बिषयलाई तालिममा सिकाईएको थियो । तालिमको समापन कार्यक्रममा प्रशिक्षर्थीहरूले आफुले ५ दिनमा सिकेको सिपलाई प्रोजेक्टरको माध्यम बाट प्रस्तुत गरेका थिए । उक्त तालिमा २४१ जना शिक्षकले सहभागिता जनाउने सैनामैना नगरपालिकाका शिक्षा शाखा प्रमुख धनिश्वर पन्थीले बताए ।