खोज

विद्युतिय हाजिरीले पठनपाठनमा सहजता भएको छ । विद्यालयहरूमा शिक्षकहरूको उपस्थितिलाई मात्रै होइन पठनपाठनमा समेत निरन्तरता दिन सहयोग पु¥याएको छ । कतिपय अवस्थामा शिक्षकहरू नभएको दिनको पनि हाजिरी गरेको पाइएपछि ई–हाजिरीको प्रयोग गर्न थालिएको हो । अहिले ई–हाजिरीले गर्दा शिक्षकहरू समयमै विद्यालय आउने र पठनपाठनलाई निरन्तरता दिने कुरामा सहजता आएको बताउँछन् मध्यपश्चिमाञ्चल विश्वविद्यालय मानबिकी र समाजशास्त्र संकाय केन्द्रिय क्याम्पस सुर्खेतका शिक्षण समितिका अध्यक्ष जगतराज पाठक । उनले यो ई –हाजिरी प्रणाली केहि खर्चिलो भए पनि यसको प्रयोगले विद्यालयललाई फाईदा हुने बताए । यसले विद्यालयमा पठनपाठनमा भने निरन्तरता दिन सहज भएको उनको भनाइ छ ।
लेजर विद्युतिय हाजिर हुँदा कतिपय शिक्षकहरूले आफूले कक्षा नलिएको दिनको पनी हाजिर गरेर तलब खाएको उदाहरण बताउँदै उनले थपे अहिले यो गलत प्रविधिलाई विद्युतिय हाजिरीले समाप्त पारेको छ ।
शिक्षकहरू बिहान ६ बजे नै आएर हाजिरी नगरे उनीहरूको तलब कट्छ । जसले गर्दा विद्यालयको पढाइ निरन्तर अगाडि बढेको छ । मध्यपश्चिमाञ्चल विश्वविद्यायका उपप्रध्यापक राजेश गौतमले विश्वविद्यालयमा विद्युतिय हाजिरीका कारण पठनपाठनमा निरन्तरता आएको बताए । ढाटेर तलब खानेका लागि यो सीसी क्यामेरा नै बनेको छ ।
मध्यपश्चिमाञ्चल विश्वविद्यालय मानविकी र समाजशास्त्र संकाय केन्द्रिय क्याम्पस प्रमुख तेजबिक्रम बस्नेतको भने भनाई फरक रहेको छ । उनी भन्छन्–‘ई –हाजिरीले विश्वविद्यालयका कर्मचारी तथा शिक्षकहरूलाई पारदर्शिता निभाएको छ । समयमै विद्यालय आउने र आफ्नो कामलाई निरन्तर अगाडि बढाउने कुरामा यसले निकैे ठुलो सहयोग पु¥याएको छ ।’ ब्याकअप नभएको बेला र मेशिन बिग्रीएको बेलाको अप्ठ्यारो भएपनी यसले धेरै उपलब्धिमुलक काम गरेको बस्नेतको भनाइ रहेको छ । उनले थपे ‘छिटो छरितो तरिकाले रेकर्ड हेर्न मिल्ने भएकोेले यसले सहज वातावरणको सिर्जना गरेको छ । यस्ता खालका प्रविधि भित्राउने कुरामा पछि हट्न नहुने उनको भनाइ रहेको छ । मानबिकी र सामाजिक शास्त्र संकाय समाजशास्त्र अध्ययनरत विद्यार्थी दिपा खड्काले पनि पहिले लेजर हाजिरी हुँदा शिक्षकहरूको उपस्थिति र ई –हाजिरी पछिको उपस्थितिमा फरक पाएको बताउछिन् ।
उनी भन्छिन् ‘पहिले शिक्षकहरू १५–२०मिनेट ढिला आउने गरेको भएपनि अहिले ६ बजेनै कक्षा कोठामा प्रवेश गर्ने भएकोले पढाई निरन्तर अगाडि बढेको छ ।’ २०६७ सालमा स्थापना भएको मध्यपश्चिमाञ्चल विश्वविद्यायमा हाल ६ वटा संकाय सञ्चालनमा रहेका छन् । मानबिकी तथा सामाजिक शास्त्र संकाय, व्यवस्थापन संकाय, शिक्षा शास्त्र संकाय, विज्ञान संकाय, ईन्जिनियरिङ्ग र कानुन संकाय गरी ६ वटा संकाय सञ्चालनमा रहेको विश्वविद्यालयमा मानबिकी संकायमा नै पहिलो विद्युतिय हाजिरी शुरुवात गरिएको हो । २०७३ साल चैत महिनाबाट शुरु गरिएको यो प्रविधिले सबै कर्मचारी तथा शिक्षकहरूलाई पारदर्शि बनाउनुका साथै पठनपाठनमा समेत राम्रो भएको विद्यालय व्यवस्थापनले बताएको छ । à