खोज

बुटवल, १४ पुस ।

एम्स कलेज, बुटवलले सदा झै यसवर्ष पनि अंग्रेजी नयाँ वर्ष (जनवरी १) अर्थात २०७९ पुस १७ गते हुन गैरहेको रक्तदान कार्यक्रमलाई लक्षीत गरी सचेतना ¥याली कार्यक्रम सम्पन्न ग¥यो ।

कलेज प्राङ्गणबाट सुरु भएको ¥याली देवीनगर चौतारी हँुदै मिलन चोक आएर कोण सभामा परिणत भएको थियो । कार्यक्रममा कलेजका प्रवन्ध निर्देशक गोपाल प्रसाद न्यौपाने, बुटवल महानगरपालिका वडा नं. ९ का जन प्रतिनिधि विवेश पुरी, प्राध्यापक गोविन्द शर्मा, क्यासका अध्यक्ष लक्षिता खनाल, अल्मूनाइका उपाध्यक्ष राजिव खनाल लगायतले रक्तदान जस्तो पुण्य एवं सामाजिक कार्यमा अधिकतम सहभागिताको लागि सबैमा आह्वान गर्दै यूवा विद्यार्थीहरुलाई रक्तदान गर्न उत्प्रेरीत गरेका थिए।

ब्लड बैंक प्रतिनिधि केशर गाहाले रक्तदानको महत्व, आवश्यक शर्तहरुको बारेमा जानकारी गराएका थिए भने क्याम्पस प्रमुख दीपक ढकालले प्रथम पटक रक्तदान गर्ने यूवा विद्यार्थीहरुलार्ई हौसला प्रदान गरे ।

कलेज, +२ तहका विद्यार्थीहरु, प्राध्यापक, कर्मचारीको सहभागिता रहेको ¥यालीमा ३५० जनाको सहभागिता रहेको थियो । सो कार्यक्रममा १५० भन्दा बढी युनिट रगत संकलन गर्ने लक्ष रहेको कलेज प्रमुख दिपक ढकालले जानकारी गराए । उनले विगत ९ बर्षदेखि अत्यधिक रक्तदान गराउँदै उत्कृष्ट शैक्षिक सस्थाको रुपमा सम्मानित हुदै आएको जानकारी गराए । कार्यक्रममा सम्पूर्ण सहभागीहरुलाई शिरमा नेपाली टोपी लगाई रक्तदानमा सरिक हुन कलेजले आह्वान गरेको छ । कार्यक्रममा काउन्सिल अफ एम्स स्टुडेण्टस्, आल्मुनाई अफ एम्स स्टुडेण्टस्, एम्स स्कुल एवं नागरीक अनलाईनको सहकार्य रहेको छ ।