खोज

अनाथ र असहाय बालकलाई संरक्षकत्व प्रदान गर्दै आएको कपिलवस्तु बाल गृहमा सुलभ शौचालय निर्माण कार्य सम्पन्न भएको छ । बाल गृहका आश्रित बालकका लागी वास परियोजना, कपिलवस्तु नगरपालिका र कपिलवस्तु बाल गृहको लगानीमा बालमैत्री तथा अपाङ्गतामैत्री सुलभ शौचालय निर्माण पुरा भएको हो ।
शौचालय निर्माणमा वास परियोजनाको २ लाख ९५ हजार २ सय ४७, कपिलवस्तु नगरपालिकाको ३ लाख ५२ हजार ८ सय ६० र नेपाल बाल संगठनको २ लाख ६३ हजार ७ सय २० गरि कुल ११ लाख ११ हजार ८ सय २८ रूपैयाँमा सुलभ शौचालय निर्माण सम्पन्न भएको हो । एक कार्यक्रमका बिच कपिलवस्तु नगरपालिकाकी उपप्रमुख लक्ष्मी गुप्ताले रिबन काटेर सुलभ शौचालयको उद्घाटन गरिन । सरसफाई र स्वाच्छतालाई ध्यानमा राख्दै कपिलवस्तु नगर क्षेत्रलाई स्वच्छ र सरसफाई युक्त बनाउन आफुहरू प्रतिबद्ध रहेको बताईन । खुला दिशा मुक्त अभियानलाई सफल पार्न ढिलाई गर्न नहुने बताउदै अभियान सफल पार्न उनले नगरका वडा अध्यक्षहरूलाई ध्यानाकर्षण गराइन् । शौचालय निर्माणमा आफूहरू केहि पछि रहेका अवस्थामा अब नगरकै प्रतिष्ठामा प्रश्न चिन्ह खडा भएकाले स्वच्छता र सरसफाई अभियानलाई आफूहरूले द्रुत रूपमा अघि बढाउने कपिलवस्तु नगरपालिका–२ का वडा अध्यक्ष रामभजन कलवारले बताए । बाल गृहमा बालमैत्री तथा अपाङ्गतामैत्री सुलभ शौचालय निर्माणले संस्थागत सरसफाईलाई प्रोत्साहन गरेको बाल संगठनकी सदस्य ईन्दिरा भट्टराईले बताईन । सरकारको सरसफाई गुरुयोजनामा एक घर एक शौचालय सगै संस्थागत शौचालयको व्यवस्थालाई अंगिकार गरेको बासका जिल्ला सल्लाहकार बिपीन पौडेलले बताए ।à