खोज

युनिक्याम्पस ग्लोवलले अष्ट्रेलिया जाने बिद्यार्थीलाई लक्षित गर्दै ‘गो अष्ट्रेलिया एजुकेशन फेयर’ को आयोजना गर्ने भएको छ । युनिक्याम्पसले यहि असोज ६ गते बुटवलको शुक्रपथमा रहेको कार्यालयमा फेयरको आयोजना गर्न लागेको युनिक्याम्पस ग्लोवल चितवनका बिजनेश डेभलपमेन्ट म्यानेजर अच्युत पण्डितले जानकारी दिए ।  त्यसैगरी क्यापसले असोज ७ गते चितवन, ८ गते पोखरा र १० गते पुतलीसडक काठमाडौंमा फेयर गर्न लागेको छ । युनिक्याम्पसले अष्ट्रेलियाका ख्याती प्राप्त कलेजका साथै सरकारी कलेज तथा विश्वबिद्यालयका प्रतिनिधिहरू उपस्थिति गराएर त्यहाँको शैक्षिक अवस्था, बिद्यार्थीले पाउने छात्रबृत्ति तथा पढाई पछिको अवसरको बारेमा बिद्यार्थी तथा अभिभावकहरूसँग अन्तक्र्रिया गर्ने पण्डितले बताए ।
सन् २००१ मा स्थापना भएको युनिक्याम्पसले स्नातक, स्नातकोत्तर तथा बिद्याबारिधी गर्ने जाने बिद्यार्थीलाई लक्षित गरी फेयरको आयोजना गरिएको युनिक्याम्पस ग्लोवल चितवनका बिजनेश डेभलपमेन्ट म्यानेजर पण्डितले बताए । प्राईभेट (भेट) कलेजमा अध्ययन गर्दा भन्दा सरकारी कलेज तथा बिश्वबिद्यालयहरूमा अध्ययन गर्दा बिद्यार्थीलाई हुने फाईदा, शिक्षाको गुणस्तर तथा अध्ययन पछिको अवसरका बारेमा जानकारी गराउने उद्देश्यले फेयरको आयोजना गरिएको पण्डितको भनाई छ ।
फेयरमा बिद्यार्थीको शैक्षिक तथा आर्थिक अवस्थाको जानकारी लिई त्यहि अनुसारको कलेज तथा बिश्वविद्यालय छनोटमा युनिक्याम्पसका काउन्सिलरहरूले सहजीकरण गर्नेछन । युनिक्याम्पसले अष्ट्रेलिया, अमेरिका, थाईल्याण्ड तथा भारतमा अध्ययन गर्न जाने बिद्यार्थीहरूलाई सहजीकरण गर्दछ । बिद्यार्थीलाई आइईएलटिस, टोफल, पिटीई लगायतका तयारी कक्षाहरू समेत सञ्चालन गर्दछ ।