खोज

बुटवल, ३१ साउन । होटल तथा रेष्टुरेन्ट ब्यवसायी संघ रुपन्देही अन्तरगत चौराहा—कालिकानगर टोल समितिमासुनिल गौतमको अध्यक्षतामा १४ सदस्यीय सर्वसम्मत नेतृत्व चयन भएको छ । जसको वरिष्ठ उपाध्यक्ष कृष्ण बहादुर पोखरेल, उपाध्यक्ष जीवन पौडेल, सचिव गोपाल पन्थ, कोषाध्यक्ष सारदादेवि थापा, सहसचिव युवराज काउचा तथा सदस्यहरुमा लेखमाया थापा, रामप्रसाद पाण्डेय, शंकर अधिकारी, रुपा कुमाल, प्रकाश खत्री, प्रदिप पौडेल, कृष्ण घिमिरे, चेतनाथ शर्मा सर्वसम्मत भए ।

बुधबार छैटौ (चौराहा—कालिकानगर) टोल समिति गठन कार्यक्रमबाट सल्लाहकारमा महेन्द्र श्रेष्ठ, बिष्णु चापागाई, लिल बहादुर बोहरा, पिताम्बर राना मनोनित भएका छन । कार्यक्रमको एक समारोहका बिच लुम्बिनी प्रदेशका पर्यटन उपाध्यक्ष समुन्द्र जिसीले उद्घाटन गर्दै ब्यवसायीलाई दक्ष बनाउने, नेतृत्वमा ल्याउने उद्येश्य अनुसार टोल समिति गठन अभियान थालेको बताए । पर्यटन ब्यवसायलाई राजनीतिभन्दा माथि उठेर अघि बढ्न सुझाव दिदै उनले ब्यवसायको हकहितलाई मुल मुद्या बनाएर अघि बढ्नुपर्ने बताए । होटल ब्यवसायमा निक्कै चुनौतीपुर्ण पेशा भएको भन्दै यसलाई सम्बोधन हुने गरि नेतृत्व सरकारसंग सहकार्य गर्दै अघि बढ्नुपर्ने बताए । ब्यवसायीहरु आफनो आचारसंहिता, ब्यवसायीक मर्यादालाई विशेष ध्यान दिन समेत उनले सुझाव दिए ।

कार्यक्रममा रुपन्देहीका अध्यक्ष लेखनाथ भण्डारीले ईकाई स्तरमा होटल तथा रेष्टुरेन्ट ब्यवसायी संघ रुपन्देही अन्तरगत टोल गठन तिब्रता दिइएको बताए । आआफनो टोलबाट रहेका होटल ब्यवसायीहरुको तथ्याकलाई ब्यवस्थित गर्ने र सेवाको बारे समेत कागजी रुपमा बलियो बन्ने रुपमा अघि बढाउने बताए । नया नेतृत्व आएसंगै होटल ब्यवसायीहरुको समस्या समाधानमा निरन्तर लागेको उनले बताए । होटल ब्यवसाय संवेदशिल पेशा भएको भन्दै उनले १८ बुदे आचार संहितालाई अक्षरस पालना गर्न सुझाव दिए । यसैगरि होटलको मेनुबारेमा समेत अपडेट हुनुपर्ने उनले सुझाव दिए ।

कार्यक्रममा संघका वरिष्ठ उपाध्यक्ष माधव कुमार खनालले कोभिड १९ संगै पछिल्लोसमय आर्थिक कठिनाईमा पुगेको दुखेसो गरे । सरकारबाट आवश्यक पहन नभएको भन्दै सबै ब्यवसायीहरु संगठित भएर अधिकारको लागि आवाज निरन्तर अगाडी बढनुपर्ने बताए । सरकार केवल घोषणा गर्न कार्यान्वन नहुदा आफुहरु पिडामा रहेको उनले बताए । रात्रीकालिन सेवा दिने सरकारले भाषण गर्ने कार्यान्वनमा कुनै पहल नगरेको उनले गुनासो गरे । संगठनमा रहेको सदस्यहरुको क्षमता विकास गर्ने गरि विभिन्न तालिमहरुलाई निरन्तरता दिदै आएको उनले बताए । ब्यवसाय ठप्प रहेको उनले बताए । लागत उठाउन नसक्ने अवस्था आईपरेको उनले बताए । पर्यटन उद्योगको रुपमा घोषणा गरेर सरकारबाट आवश्यक सेवासुविधा उपलब्ध गराउन जरुरी रहेको उनले बताए ।
कार्यक्रममा जिल्लाका पर्यटन उपाध्यक्ष रोमाकान्त पाण्डे, महासचिव अर्जुन थापा, टोलका संयोजक पिताम्बर राना, सहसंयोजक कमला पाण्डे, टोलका सदस्य गोपाल पन्थले टोल गठनबाट हुने उपलब्धिका बारेमा प्रकाश पारे ।