खोज

बुटवल, ३२ जेठ । संयुक्त पूर्व सैनिक कल्याणकारी संस्था रूपन्देहीको दशौं साधारणसभा तथा चौथो अधिवेशन सम्पन्न भएको छ । साधारणसभामा बोल्ने बक्ताहरूले भुपुहरू एकजुट भएर समाज रूपान्तरणमा लाग्नुपर्ने बताए । उनीहरूले नेपालीलार्इ भारतिय सेनामा भर्ति खुलाउनका लागि नेपाल सरकारलाई आग्रह गरेका छन् ।
सो अवसरमा बोल्दै संयुक्त पुर्व सैनिक कल्याणकारी महासंघ अध्यक्ष कर्णेल धनबहादुर थापाले एकतावद्ध भएर मात्रै समस्या समाधान गर्न सकिने बताए ।

बुटवल उपमहानगरपालिकाका प्रमुख खेलराज पाण्डेयले भुपु सैनिकको पहिचान नै अनुशासन तथा सरसफाइ रहेको भन्दै विकास निर्माणमा भुपु सैनिकको भुमिका रहेको बताए ।

सो अवसरमा डा एसके यादव ईसिएचएस बुटवल फुलवारी क्याम्प, ईकाई समितिका अध्यक्ष सुबेदार टेकबहादुर रेश्मी,सैनामैना भुपु नगर अध्यक्ष क्या मोतिप्रसाद राना,जोनल मेम्बर सुबदार मेजर पुरन शाही,महास‌ंघका महासचिव कुलबहादुर केसी,वीर गोरखा सहिद स्मारक सुनवलका उपाध्यक्ष नारायण थापा, संस्थाका रूपन्देही उपाध्यक्ष सुबेदार खुमबहादुर थापा लगायतले बोलेका थिए ।
कार्यक्रममा पत्रकारिताबाट समाज परिवर्तन र पुर्व सैनिकका गतिविधि सञ्चार माध्यमबाट जनजनमा पुर्याएर योगदान गरेको भन्दै पत्रकार बिश्वास ढकाल र कपिल ज्ञवालीलाई दोसल्ला,सम्मानपत्र र नगदसहित सम्मान प्रदान गरिएको छ ।