खोज

भैरहवा, २ चैत ।

श्री रामजानकी आध्यात्मिक मन्दिर समिति गैडहवा गाउँपालिका वडा नम्बर ५ विष्णुपुरा, गिदहिया, रुपन्देहीको चौथो अधिवेशन बुधबार सम्पन्न भएको छ । मन्दिर परिसरमा सम्पन्न अधिवेशनले पुनः चन्द भुवन नाउको अध्यक्षतामा नयाँ कार्यसमिति सर्वसम्मत निर्वाचित गरेको छ ।

समितिको उपाध्यक्षमा छेदी अहिर, सचिवमा सन्तु प्रसाद धवल र कोषाध्यक्षमा जयप्रकाश उपाध्याय निर्वाचित भएका छन् । त्यस्तै सदस्यहरुमा भुवाल तेली, राधेश्याम यादव, रामसेवक चौधरी, रामदयाल गुप्ता, शिवनाथ कलवार, ओम प्रकाश दुवे र पदेन सदस्यमा गैडहवा–५ का वडाअध्यक्ष विजयकुमार शर्मा रहेका छन् । त्यस्तै सल्लाहकारमा राजकुमार गुप्ता, कृष्ण शंकर प्रसाद गुप्ता, पशुपति यादव, सुनिलकुमार कुर्मी, रामलखन कुर्मी र काशी केवट रहेका छन् ।

श्री रामजानकी आध्यात्मिक मन्दिर समितिका अध्यक्ष चन्द्रभुवन नाउको अध्यक्षतामा भएको कार्यक्रममा गैडहवा गाउँपालिकाका अध्यक्ष सुरेन्द्र पौडेल, गैडहवा–५ का वडाअध्यक्ष विजयकुमार शर्मा, गैडहवा–५ का निवर्तमान वडाअध्यक्ष कृष्ण शंकर प्रसाद गुप्ता, मन्दिर समितिका आजीवन सदस्यहरु राजकुमार गुप्ता, रामदयाल गुप्ता, योगेन्द्र धवल, सुनिता गुप्ता, पुनिता गुप्ता, मन्दिर समितिका सचिव सन्तु प्रसाद धवललगायतले बोलेका थिए ।

वि.सं. २०३१ सालमा स्थापना भएको श्री रामजानकी आध्यात्मिक मन्दिरलाई धार्मिक पर्यटन क्षेत्रको रुपमा विकास गर्न समितिले सक्दो प्रयास गरिरहेको पनि सदस्य रामदयाल गुप्ताले बताए । उनले भने, ‘रामजानकी मन्दिर आस्था र विश्वासको धरोहर हो ।’