खोज

कपिलवस्तु, १५ पुस ।

कपिलवस्तु जिल्लाबाट गत आर्थिक बर्ष सम्म ८१ हजार ८ सय १५ जनाले वैदेशिक रोजगार बिभागबाट श्रम स्वीकृती लिई बैदेशिक रोजगारीमा गएको देखिएको छ । जिल्लाका स्थानीय तह र सामी÷हेल्भेटास नेपालले आयोजना गरेको सुरक्षित आप्रवासन (सामी) कार्यक्रम भावी योजना सम्बन्धी स्थानीय तहका पदाधिकारीसँगको अन्तक्र्रियामा सो जानकारी दिईएको हो ।

सो अवसरमा हेल्भेटासका कार्यक्रम संयोजक सनत प्रसाद सापकोटाले नेपालबाट वैदेशिक रोजगारीमा जानेको संख्या ६४ लाख नाघेको बताए । त्यसैगरी लुम्बिनी प्रदेश भरिबाट श्रम स्वीकृती लिई वैदेशिक रोजगारीमा जानेको संख्या ८ लाख ६० हजार ७ सय ८५ जना रहेको उनले जनाए । त्यसैगरी गत आर्थिक बर्ष २०७८÷७९ मा बैदेशिक रोजगारीका लागि श्रम स्वीकृती र पुनः श्रम स्वीकृती लिई जानेको संख्या ६ लाख ३० हजार ९० रहेको र जसमा महिलाको संख्या ४९ हजार १ सय २८ (८ प्रतिशत) रहेको जनाईएको छ ।

गत आर्थिक वर्षमा श्रम स्वीकृती लिएर बिदेश जानेको संख्या हाल सम्मकै बढी हो । अघिल्लो आर्थिक वर्ष २०७७÷७८ मा वैदेशिक रोजगारीमा मृत्यु हुनेको संख्या १ हजार २ सय ४३ र अंगभंग हुने १ सय ४३ जना थिए । सोही आर्थिक वर्षमा कपिलवस्तुबाट वैदेशिक रोजगारीमा गई मृत्यु भएका २२ जनाको शव आएको बैदेशिक रोजगार बोर्डको तथ्याङ्क रहेको जानकारी गराईएको छ । वैदेशिक रोजगारको अवस्था, अवसर, चुनौती र समाजमा परेका प्रभावबारे प्रस्तुतीकरण मार्फत जानकारी दिंदै सापकोटाले वैदेशिक रोजगारीमा जाने श्रमिक मात्रै नभई उनका परिवार र समाजलाई नै बिभिन्न चुनौती सामना गर्नु परेको बताए ।

वैदेशिक रोजगारीमा जाने व्यक्तिलाई कसरी सुरक्षित, व्यवस्थित र मर्यादित बनाउन सकिन्छ भन्ने उद्देश्यले कार्यक्रम आयोजना गरिएको हेल्भेटासका कार्यक्रम अधिकृत जियाउल हकले जानकारी दिए । सामी कार्यक्रमले वैदेशिक रोजगारीमा गएका, रहेका, फर्किएका र उनका परिवारलाई लक्षित गरी सूचनामा पहुँच, न्यायमा पहुँच, सिप किासका तालिम, मनोसामाजिक परामर्श र वित्तिय साक्षरताको कार्य गरेको जिल्ला परियोजना व्यवस्थापन समितिका सदस्य सचिव हरि प्रसाद ज्ञवालीले बताए । वैदेशिक रोजगारीबारे सचेतना प्रवाहका लागि सामी कार्यक्रम अन्तर्गत गत आर्थिक वर्षमा १ हजार ३ सय २८ मावि तहका बिद्यार्थी र रिटर्नीहरुलाई अभिमुखीकरण र अन्तििक्र्रया गरिएको उनले जनाए । सामी कार्यक्रम काठमाडौ सहित ३८ जिल्लाका १ सय ५६ स्थानीय सरकारको अगुवाईमा सञ्चालनमा रहेको हेल्भेटासका प्रदेश संयोजक पञ्चराम चौधरीले बताए । स्विस सरकार विकास सहयोग (एसडीसी) को सहयोगमा १५ जिल्लाको ६० स्थानीय तहमा र २३ जिल्लाको ९६ स्थानीय तहमा नेपाल सरकारको सशर्त बजेटबाट सामी कार्यक्रम सञ्चालनमा रहको उनले प्रष्ट्याए ।

सो अवसरमा कार्यक्रमको समयावधी २०८१ असार मसान्त सम्म बिस्तार भए पनि सो पश्चात कार्यक्रम निरन्तरताका लागि छलफल चलाईएको थियो । आफ्नै श्रोतमा बुद्धभूमी नगरपालिकाले सामी कार्यक्रम सञ्चालन गर्दै आएको प्रष्ट्याउँदै प्राबिधिक सहयोगका लागि सहयोग गरिदिन प्रमुख प्रशासकीय अधिकृत रमेश गौतमले हेल्भेटाससँग आग्रह गरे ।

अब सिप, सिकाई र उद्यमशीलताको बिषयलाई वैदेशिक रोजगारीसँग जोडेर बिदेश जान खोज्ने जनशक्तिको दक्षता अभिवृद्धि गर्नुपर्ने बाणगंगा नगरपालिकाका प्रमुख प्रशासकीय अधिकृत खिमानन्द भुसालको सुझाव थियो । वैदेशिक रोजगारीमा जानेको तथ्याङ्क संकलन र सचेतना प्रवाह प्रभावकारी बनाउनु पर्नेमा बुद्धभूमी नगरपालिकाकी उपप्रमुख मिरा थारुले जोड दिईन् ।

कार्यक्रमलाई प्रभावकारी बनाउन पालिकाले आवश्यक योजना र श्रोतमा सहयोग गर्ने मायादेवी गाउँपालिकाका अध्यक्ष वलिउद्दिन मुसलमानको प्रतिबद्धता थियो । सामी कार्यक्रम आवश्यकतामा आधारित भएकाले स्थानीय तहले अपनत्व लिएको जिल्ला परियोजना व्यवस्थापन समितिका अध्यक्ष समेत रहेका कपिलवस्तु नगरपालिकाका प्रमुख सुदिप पौडेलले बताए । कार्यक्रमले वैदेशिक रोजगारका समस्या समाधानमा सहयोग पुर्याएको बताउँदै २०८१ पछि पनि कार्यक्रमको निरन्तरताका लागि आफुहरु तत्पर रहेको पौडेलको प्रतिबद्धता थियो ।