खोज

जिल्लाको सिमावर्ति महेशपुर नाकालाई लक्षित गरि नेपाल प्रहरी र शसस्त्र प्रहरीले ठाउँ ठाउँमा चेक पोष्ट खडा गरि चेक गर्ने गरेको भए पनि उनीहरूकै आँखा छल्दै चोरी तस्करी हुने गरेको छ । प्रदेश नम्बर ४ नवलपुर क्षेत्रको कोल्हुवा, प्रसौनी लगायतका गाउँबाट रिजर्भ गरेर आउने ब्यतिmहरूले घरायसी प्रयोजन भन्दै लाखौको मालसामान चोरी तस्करी गर्दै आए पनि प्रहरी मुक दर्शक हुने गरेको अरोप स्थानियले लगाएका हुन् । सिमा क्षेत्रका ब्यतिm साईलक,मोटरसाईकलमा आफ्नो घरायसी प्रयोजनका लागि थोरै माल समाज ल्याउँदा पक्राउ गर्ने प्रहरी चोक पोष्ट बसमा बसेका ब्यतिmको मालसामान चेकजाँच नगरि पठाउँदा चोरी तस्करी मौलाएको स्थानियले बताए । बसभरि ब्यपारी आउँछन् । मालसामान खरिद गरि लिएर जान्छन्, प्रहरीले मेसो पाउँदैन कि मिलोमतोमा तस्करी गराउने गरेको छ ? त्यसबारे भन्सार कर्मचारी, राजस्व अनुसन्धान के गरेर बसेको छ ? उनले चुनौती दिए । एउटा बसमा १० देखी २० लाखसम्मको मालसामान लोड भएको हुन्छ, भन्सार गरिएको हँुदैन । प्रहरी चेकजाँच गर्दैन् ।
नेपाली खुद्रे व्यपारीहरू भारतीय सिमावर्ति बजार ठुठीबारीबाट १० हजार देखि ५० हजारसम्मको घरायसी सामानहरू खरिद गरि भन्सार छलेर नेपाल भित्राउने गरेको स्थानिय व्यापारीले समेत गुनासो गरेका छन् । टाढाबाट आउने ब्यतिm घरायसी कामकाजका लािग लगेको हो कि कसैको भरिया हो ? त्यसको समेत पहिचान गरिनु पर्ने र अनुसन्धान गर्नु पर्ने ब्यापारीको माग रहेको छ ।
नारायणघाट, गैडाकोट, कावासोती, सुनवल, बर्दघाट, दाउन्ने जस्ता मुख्य–मुख्य बजारका खुद्रे व्यापारीहरू माईक्रो बसनै रिजर्भ गरेर ठुठीबारी बजार आई लाखांैको मालसामान खरिद गरि लैजाने गरेका छन् । उनीहरू आफूसँग आफनो घरको २÷३ जना सदस्य एवं साथीहरू बोकेर आउँछन् जसले गर्दा उनीहरू भारतीय बजारबाट खरिद गरिएको मालसामान २÷३ पटकमा थोरै–थोरै नेपाल भित्राउन सजिलो हुने गरेको छ । घरमा विवाह, ब्रतबन्ध, भोजको बहानामा घरायसी प्रयोजन भनेर एक जना व्यापारीले १० हजार देखि ५० हजार सम्मको मालसामान खरिद राजस्व छली रहेको प्रत्यक्ष देख्न पाइन्छ ।
भारतीय सिमावर्ति बजार, नेपाली उपभोक्ताहरूको पनि बजार रहेकाले प्रहरीले थोरै घरायसी प्रयोजनका सामानहरूमा व्यवहारिकता देखाएर छोड्ने गर्दछ तर त्यसैको फाईदा उठाउँदै व्यपारीहरू दिनहुँ लाखांैको राजस्व छली गरिरहेको स्थानिय व्यपारीहरूले आरोप लगाए । गत बिहीवार भदौ २१ गते मात्र व्यापारीहरू ना ४ ख ७०८६ र ना ५ ख ९८९२ नम्बरको माईक्रो बस रिजर्भ गरि मालसामानको ढुवानी गरेको पाइएको छ । खास गरि शनिवार र बिहीवारको दिन ठुठीबारी बजारमा बढि भिडभाड हुने गरेको छ । शनिवार र बिहीवार मात्र व्यापारीहरू विभिन्न बजारबाट ५÷६ वटा बस रिजर्भ गरेर आउने गरेका छन् । व्यापारीहरू बजारबाट दाल, चिनी, किरानाका सामान, कपडा लत्ता, हार्डवेयर, ईलेक्ट्रोन्किसका सामानहरूको खरिद गरि नेपाल भित्राउने गरेका छन् । यसरी लाखौं राजस्व छली भैरहँदा यसतर्फ नत महेसपुर भन्सार कार्यालयको ध्यान पुग्न सकेको छ नत चोरी तस्करी नियन्त्रण गर्ने प्रहरीको ध्यान पुग्न सकेको छ । ठाउँ ठाउँमा नेपाल प्रहरी एवं शसस्त्र प्रहरीको चेकिङ्गमा केहि रकम दिएर व्यापारीहरू मिलाउने गरेको चर्चा पनि निकै सुन्न पाइन्छ । दिनहुँ खुलेआम व्यापक चोरी तस्करी प्रति प्रहरी–प्रशासनको ध्यान पुग्न नसकेको स्थानियको भनाई छ । यसरी भारतीय बजारबाट राजस्व छलेर मालसमान नेपाल ल्याएपछि नेपाली बजार खस्किँदै गएको छ । सिमावर्ति ब्यतिmले साईकल र मोटरसाईकलमा केही सामान लैजाँदा प्रहरीले चेक गर्छन तर बस भनेर चालकसंग सोधपुछ गरेर छाडिदिने गरेका छन् । चोरी तस्करी नियन्त्रणकै लागि महेशपुर भन्सार नाका, हरपुर, बेलासपुर,परासी लगायनका विभिन्न स्थानमा शसस्त्र प्रहरीको चेकपोष्ट छ । ठाउँ ठाउँमा नेपाल प्रहरीको पनि चौकी रहेको छ, तर बसमा हुने तस्करीप्रति कुनै चेकपोष्टले चेक जाँच गरेको छैन् ।