खोज

नतिजामुखी प्रशासनः समृद्धि र शुससान भन्ने मुल नाराका साथ देशभर आज निजामती सेवा दिवस मनाइएको छ । सोही अनुरुपम बुटवलको ईलाका प्रशासन कार्यालयले कार्यालयमा सेवा लिन आउने पहिलो सेवा ग्राहीलाई दिवसको अवसरमा सम्मान गरेको छ । ईलाका प्रशासन कार्यालयमा सेवा लिन आएकी बुटवल–१३ बेलबासकी तारा ढकाल बेल्बासेलाई सम्मान गरिएको हो । अन्य स्थानमा भन्दा फरक प्रकृतिबाट निजमती दिवस मनाईएको ईलाका प्रशासनक कार्यालय बुटवलका शाखा अधिकृत धुब्र कुमार नेपालले जानकारी दिए । यसैविच काठमाण्डौमा पनि विशेष कार्यक्रम गरी निजामती सेवा दिवस मनाइएको छ । विशेष समरोहलाई सम्बोधन गर्दैै प्रधानमन्त्री केपी शर्मा ओलीले अनावश्यक सेवा(सुविधाको लोभ नगर्न कर्मचारीलाई आग्रह गरेका छन् । उनले कम खर्च गर्न र काम गुणा गर्न कर्मचारीलाई निर्देशनसमेत दिए ।‘हाम्रोमा निरपेक्ष गरिबी २१ प्रतिशत छ, तिनले भुटेको मकैसमेत पेटभरि खान पाउँदैनन्’, निजामति सेवा दिवसको अवसरमा सिंहदरबारमा आयोजित कार्यक्रममा उनले भने, ‘तिनलाई हेरेर सेवा(सुविधाको कुरा गर्नुस् ।’
प्रधानमन्त्री ओलीले कर्मचारीले घुस खाएको समाचार बारबार आउने गरेको भन्दै आउँदा दिनमा त्यस्तो समाचार सुन्नु नपर्ने विश्वास व्यक्त गरे । ‘कर्मचारीले घुस खाएको समाचार बारबार आउँछन’, प्रधानमन्त्रीले भने, ‘अब त्यस्तो सुन्नु नपरोस् ।’
उनले कर्मचारीको अहिलेको काम सन्तोषजनक नभएको खर्च कम र काम बढी गर्न निर्देशन समेत दिए । ‘अहिले हामीले दुई हप्तामा जुन काम गरिरहेका छौं, त्यसलाई एकै हप्तामा पनि गर्न सकिन्छ ,’ प्रधानमन्त्री ओलीले भने ।कर्मचारी संगठन खारेज हुनुपर्ने बहस बेला(बेला उठ्ने गरेपनि उनले त्यो यथावत रहने भन्दै बचाउ गरे । ‘ आधिकारिक ट्रेड युनियन कानुनी हैसियत प्रप्त संस्था हो । तिनको मातृ संस्था उद्गमस्थल हो । तिनका कार्य र हैसियत यथवत रहन्छन्’, प्रधानमन्त्री ओलीले भने ।