खोज

पाल्पा, २६ कात्तिक ।

प्रतिनिधिसभा तर्फ दुई निर्वाचन क्षेत्र र प्रदेशसभा तर्फ चार निर्वाचन क्षेत्र रहेको पाल्पामा निर्वाचनको मिति नजिकिएसँगै चुनावी सरगर्मी बढेको छ । पहिले एउटै पार्टीमा रहेका अहिले प्रतिस्पर्धामा उत्रिएका छन्भने कतै नयाँ अनुहार चुनावी मैदानमा होमिएसँगै पाल्पामा चुनावी प्रतिष्पर्धा रोचक हुने देखिएको छ ।

जिल्लाको दुई निर्वाचन क्षेत्र मध्ये २ नंम्बर क्षेत्रमा भने यस पटक चुनावी माहोल रोचक बन्दै गएको छ । ३० बर्ष सम्म एउटै पार्टीमा रहेका दुई नेता अहिले फरक फरक पार्टीबाट चुनावी प्रतिस्पर्धामा होमिएका छन् । २०७४ निर्वाचनमा नेकपा एमालेबाट उम्मेदवार रहेका सोम प्रसाद पाण्डे अहिले नेकपा एकीकृत समाजवादीबाट गठबन्धनको साझा उम्मेदवार बनेका छन् । अर्काे हिजो पाण्डे लाई मत माग्दै हिडेका नेकपा एमालेबाट पोलिटब्यूरो सदस्य ठाकुर गैरै चुनावी मैदानमा उत्रिएका छन् ।

२०७४ सालमा प्रतिनिधिसभा निर्वाचनमा एमालेबाट उम्मदवार रहेका सोम प्रसाद पाण्डेले नेपाली कांँग्रेसका हरिप्रसाद नेपाललाई ११ हजार मतान्तरले हराएर विजयी भएका थिए । अहिले उनै पराजित उम्मेदवार नेपाल पाण्डेलाई जिताउन मत माग्दै घरदैलोमा छन । पाण्डे २०५१ सालदेखि निरन्तर उम्मेदवार बन्दै ४ पटक जित हासिल गरेका छन् २०६४ सालको संविधान सभा निर्वाचनमा नेकपा माओवादीकी लिला सोमै संग पराजित भएका थिए ।
पाल्पा क्षेत्र नं २ मा प्रतिनिधि सभामा ३ जना स्वतन्त्र उम्मेदवार पनि चुनावी मैदानमा होमिएका छन् । स्वतन्त्र र सानादलको सक्रियताले ठूला दलका उम्मेदवारलाई चुनौती थपिएको छ । पाल्पा क्षेत्र नंं २ मा मुख्य गरी समाजवादीका पाण्डे र एमालेका गैरेबीच नै मुख्य प्रतिष्प्रर्धा रहेको छ । २०५१ देखि २०७४ सम्म लगातार उम्मेदवार बनी २०६४ को संविधान सभा सदस्य निर्वाचन बाहेक ४ वटै निर्वाचनमा विजयी हुनुुभएका सोमप्रसाद पाण्डेले पुरानो योजनालाई पुरा गर्ने बताउनुभएको छ भने निर्वाचनमा डेब्यू गरेका ठाकुर गैरेले मतदाताको आधारभुत आवश्यकलाई चुनावी एजेण्डा बनाएका छन् । नेकपा एमाले उम्मेदवार गैरेले तानसेन–बुटवल सडक, पाल्पालाई जोड्ने अन्तरजिल्ला सडक निर्माण पहिलो प्राथमिकता सहित पाल्पाको शिक्षा, स्वास्थ्य, पर्यटन विकासका एजेण्डा बनाएका छन् ।

पाल्पा क्षेत्र नंं. २ मा गठबन्धनका पाण्डे, एमालेका गैरेबाहेक जनता समाजवादी पार्टी नेपालका देवबहादुर हिस्की, राष्ट्रिय स्वतन्त्र पार्टीका सोमप्रसाद गैरे, राष्ट्रिय जनमुक्ति पार्टीका हुमबहादुर थापा मगर, नेपाल मजदुर किसान पार्टीका शिवसुन्दर भुख्वा, मंगोल नेसनल अर्गनाइजेसनका मनबहादुर दर्लामी, नेपाल आमा पार्टीका तारा बहादुर खत्री, जनता समाजवादी पार्टीबाट दुर्पता सोमै चुनावी प्रतिष्प्रर्धामा रहेका छन् ।

पाल्पा क्षेत्र नंं २ मा माथागढीको १ नम्बर सहित ४४ वडामध्ये तानसेन नगरपालिकामा १०, रिब्दीकोटमा आठमध्ये ६, रैनादेवी छहरामा आठमा ६ वडा गठबन्धनले जितेको छ । तिनाउ गाउँपालिकाका ५ वडा मध्ये दुई वडामा गठबन्धनले जितेको छ । तानसेनमा नगर प्रमुख, उपप्रमुख, रिब्दीकोटमा अध्यक्ष, उपाध्यक्ष, रैनादेवी छहरामा अध्यक्ष, उपाध्यक्ष र तिनाउमा उपाध्यक्ष गठबन्धनले जितेको छ । नेकपा एमालेले तिनाउँमा अध्यक्ष सहित २ वडा, बगनासकालीमा अध्यक्ष, उपाध्यक्ष सहित ६ वटा वडा, तानसेनमा ४ वटा वडा, रिव्दीकोटमा २ वडा र रैनादेवी छहरामा २ वडामा विजय हासिल गरेको छ । क्षेत्र नम्बर २ मा १ लाख ५ हजार २ सय ९३ मतदाता छन ।

क्षेत्र नम्बर २ को प्रदेश सभा १ मा नेपाली कांग्रेसका विरबहादुर राना र एमालेबाट पर्शुराम भट्टराई चुनावी प्रतिस्पर्धामा छन् । प्रदेश सभा २ मा गठबन्धनको तर्फबाट माओवादी केन्द्रका वसन्त घर्ती र एमालेबाट ओम बहादुर घर्ती चुनावी मैदानमा होमिएका छन् ।

यता पाल्पा क्षेत्र नंम्बर १ मा भने प्रतिनिधिसभाका लागि गठबन्धन र एमालेबाट दुवै नयाँ अनुहार चुनावी प्रतिस्पर्धीमा रहेका छन् । गठबन्धनको साझा उम्मेदवारमा कांग्रेसका जिल्ला उपसभापति ज्ञानबहादुर गाहा र एमालेबाट नारायणप्रसाद आचार्य प्रतिस्पर्धामा छन् । गत ०७४ को प्रतिनिधि सभामा एमालेबाट दल बहादुर राना र कांग्रेसबाट विजयराज घिमिरे बीच चुनावी प्रतिस्पर्धा भएको थियो । एमालेका रानाले घिमिरेलाई ८ हजार मातान्तरले हराएका थिए । २०५१ सालदेखि निरन्तर चुनाव जित्दै आएको एमालेलाई २८ वर्षदेखि आफ्नो वर्चश्व कायमा राख्दै आएको छ । यसपटक भने गठबन्धन र एमालेबीचको प्रतिस्पर्धाले एमालेको गढ भत्किन्छ कि कांग्रेसको विजय सुरुवात त्यो भने मंसिर ४ को निर्वाचनले नै निर्धारण गर्ने छ ।

नेकपा एमालेका उम्मेदवार आचार्यले एमालेले पुर्वी पाल्पामा जनताका हरेक विकास आवश्यकतामा काम गर्दै आएको, हरेक सुख दुखमा एमाले नेताहरु जनताको घरदैलोमा पुगेको कारण यसपटक पनि एमालेका उम्मेदवारहरुले विजय हासिल गर्ने दावी गरेका छन् भने नेपाली काग्रेसका उम्मेदवार गाहाँले २८ बर्षमा एमालेले कुनै पनि राम्रो विकास नगरेको कारण जनताले अहिले परिवर्तन खोजेकोले नेपाली काँग्रेसका उम्मेदवारहरुको विजय हुने उम्मेदवार गाहाले बताए ।

पाल्पा क्षेत्र १ अन्तर्गत रामपुर नगरपालिका, निस्दी, पूर्वखोला, रम्भा, माथागढी गाउँपालिका तानसेन नगरपालिकाकोे वडा ८, तिनाउ गाउँपालिकाको वडा नंं ५ पर्दछ । स्थानीय निर्वाचनमा पाल्पा क्षेत्र नंं १ मा ३७ वटा वडा मध्ये २४ वटा वडामा एमाले र १३ वटा वडामा नेपाली काग्रेसले विजय हासिल गरेको छ । पाल्पा क्षेत्र नंं १ मा ९६ हजार ३६ मतदाता रहेका छन । क्षेत्र १ प्रतिनिधिसभा कांग्रेसका गाहा र एमालेका आचार्यबाहेक राष्ट्रिय प्रजातन्त्र पार्टीका ज्ञानबहादुर सिञ्जाली, राष्ट्रिय जनमुक्ति पार्टीका उजरसिं दर्लामी, जनता समाजवादीका मेहरमान राना र मंगोल नेसनल अर्गनाइजेसनका थमनबहादुर बुढा उम्मेदवार छन स्वतन्त्रबाट विपिन कँडेल, नारायण न्यौपाने, राजु सुनार र डोलराज तिमिल्सेना चुनावी मैदानमा रहेका छन् ।

क्षेत्र नं १ को प्रदेश सभा १ मा गठबन्धनको तर्फबाट नेपाली कांग्रेका श्यामकान्त खनाल र एमालेबाट राजु प्रसाद श्रेष्ठ बिच मुख्य प्रतिस्पर्धा देखिएको छ । काग्रेसका खनाल र एमालेका श्रेष्ठ बाहेक मंगोल नेशनल बाट अर्गनाईजेशन बाट पूर्ण बहादुर रुचाल, , राप्रपा बाट डुल बहादुर गाहा, राष्ट्रिय जनमुक्ति पाटी बाट भिमसेन सुनारी मगर उम्मेदवार भई जनताको माझमा पुगेका छन् ।

निर्वाचन क्षेत्र नं १ प्रदेश सभा २ मा गठबन्धनको तर्फबाट नेपाली कांग्रेसका शंकर खनाल र एमालेका खेम बहादुर सारु चुनावी मैदानमा छन् । यसैगरी मंगोल नेशनल अर्गनाईजेशनबाट लालबहादुर दर्लामी, राप्रपा बाट लक्ष्मण प्रसाद पंगेनी, राष्ट्रिय जनमुक्ति पार्टीबाट टेकबहादुर राना प्रतिष्पर्धामा रहेका छन । २ लाख १ हजार ३ सय २९ मतदाता रहेको पाल्पामा निर्वाचनमा कसले बाजी मार्ला त्यो हेर्न भने मंसिर ४ नै पर्खिनुपर्ने छ ।