खोज

बुटवल, २४ कार्तिक ।
युवा खेलाडीहरुलाई प्रोत्साहन गर्ने उद्देश्यका साथ आजदेखि रुपन्देहीमा जुनियर स्टार क्रिकेट लिग २०७९ हुने भएको छ । क्रिकेटर शक्ति गौचनको स्टार क्रिकेट एकेडेमीको आयोजनामा देवदहस्थित क्रिकेट मैदानमा कारोलिनास रुपन्देही जुनियर स्टार क्रिकेट लिग हुने भएको हो । उद्घाटन खेलमा देवदह ड्रागन र जिबिआईसिए सैनामैना खेल्ने छन ।
प्रतियोगिताका लागि ६ टिमका क्याप्टेनहरुको परिचय र ट्रफी सार्वजनिक समेत गरिएको छ । युवा खेलाडीहरुको नियमित अभ्याससंगै प्रतियोगिता पनि महत्वपूर्ण पाटो भएको गौचनले बताए । अभ्यासमा सिकेका कलालाई परिणाममा बदल्न यस्ता प्रतियोगिता मद्दत मिल्ने उनले बताए । रुपन्देही क्रिकेट खेलको उवर्भरभुमी भएको दाबी गर्दै उनले सरकारको लगानी भने त्यो अनुरुप हुन नसकेको दुखेसो गरे । लामोसमयको तयारी गरि खेलाडी छनौट पुरा गरि टिम तयार गरिएको उनले बताए । मदन भण्डारी स्पोर्टस एकेडेमीबाट प्रतियोगिताको पुरस्कार तथा स्थानिय विद्यालयहरुबाट खेलाडीको ड्रेस सहयोग भएको उनले बताए ।
अण्डर १९ उमेर समुहका उपमहानगर, नगरपालिका, गाउपालिका गरि स्थानिय पालिकाहरुबाट प्रत्येक टिमको २० खेलाडीहरु छनौट गरेको उनले बताए । ४० ओभरको खेलमा खेलाडीहरु आफनो ब्याटिङ र बलिङको प्रर्दशन गर्ने राम्रो अवसर पाउने उनले बताए । प्रतियोगिताको उपाधि विजेता टिमले नगद २० हजार रुपैया, कप, मेडल,प्रमाणपत्र तथा उपविजेता टिमले नगद १० हजार रुपैया कप, मेडल, प्रमाणपत्रबाट पुरस्कृत गरिने उनले बताए । यसैगरि विद्यागत रुपमा उत्कृष्ट खेलाडीहरुलाई समेत पुरस्कृत गरिने उनले बताए । प्रतियोगितामा सिद्धार्थनगर वरियर्स, ओमसतिया स्टार्स, तिलोत्तमा टाईटन्स, बुटवल युनाईटेड, देवदह ड्रागन र जिबिआईसिए सैनामैना गरि ६ टिमहरु बिचमा खेल हुनेछन ।
प्रतियोगिताको अनुमानित खर्च ५ लाख रुपैया रहेको उनले बताए । डबल लिगका २० सहित प्लेअफ र फाईनल गरि ३२ खेल हुने उनले बताए । खेल विहिबार, शुक्रबार र शनिबार खेलाईने उनले बताए ।