खोज

नेपाल ट्रेड युनियमन महासंघ (जिफन्ट) प्रदेश ५ कमिटीले नेपाल सरकारले पछिल्लो समयमा तोकेको पारिश्रमिक कार्यान्वयन गर्नको लागि रोजगारदाता निकायसंग आग्रह गरेको छ ।  बिहीबार बुटवलमा पत्रकार सम्मेलनको आयोजना गरी जिफन्ट ५ नम्बर प्रदेशका अध्यक्ष हरि बहादुर कार्कीले २०७५ साउन महिना देखि नै लागू गर्ने गरी न्युनतम बेतन निर्धारण समितले तोकेको न्यूनतम पारिश्रमिक कार्यान्वयन गर्न माग गरेका हुन् । उनका अनुसार २०७५ साउन १ गते देखि लागु हुने गरी तोकिएको ३७५० बाट १३ हजार ४ सय ५० रूपैयाँ न्यूनतम पारिश्रमिक तोकेको छ । सोही अनुसार दैनिक ज्यालामा काम गर्ने श्रमिकलाई न्यूनतम ३ सय ९५ रूपैयाँ बाट वृद्धि गरी ५ सय १७ रूपैयाँ तोकेको छ । राजपत्र समेत प्रकाशित गरिएको उक्त सूचना अनुसार प्रति घण्टा ६९ रूपैयाँ समेत तोकेको अवस्थमा केही रोजगारदाता निकायबाट उक्त तलव कार्यान्वयन गरिएको कारण पुर्णरूपमा कार्यान्वयन गर्नको लागि समेत माग गरिएको जिफन्ट प्रदेश ५ का ईन्जार्च कमल गौतमले बताए ।
यस्तै जिफन्टले मजदुरको तवल बैंक मार्फत भुत्तानी दिनुपर्ने, कल्याण्कारी कोषमा भएको रकम परिचालन हुनुपर्ने र निश्चित रकम संचय कोषको समेत व्यवस्था हुनुपर्ने माग गरिएको छ । जिफन्टले श्रमिक पञ्जिकरणको समेत माग गरेको छ भने स्थानिय स्तरको पालिकाबाट नै राज्यले सुरक्षा कोष बनाउनुपर्ने समेत माग गरिएको छ ।
हाल प्रदेश नम्बर ५ मा करिव ५० हजार मजदुरहरू रहेका छन् । भने १० हजार जिफन्टमा आवद्ध रहेको पाइएको छ । à