खोज

कृषि तथा पशुपंक्षी बिकास मन्त्री चक्रपाणी खनाल (बलदेव) ले बुद्धस्थल कपिलवस्तुको योजनाबद्ध रूपमा बिकास शुरु गरिएको जनाए ।
नेपाल बाल संगठन, कपिलवस्तुले आयोजना गरेको स्वागत तथा सम्मान कार्यक्रममा बोल्दै कपिलवस्तु बिकासका लागी कुनै कसर नछाडिने बताएका हुन । सो अवसरमा बोल्दै मन्त्री खनालले कपिलवस्तुको पर्यटन प्रबद्र्धनका लागी आफूले दुई वटा योजना अगाडी बढाएको बताए । कपिलवस्तु बिकासका लागी यस बर्ष भित्रै डिपिआर निर्माण, ३ सय १० मेगावाट बिद्युत उत्पादनको लक्ष्य राखिएको सिचाई र बिद्युतीकरणको योजना सहितको नौमुरे जलबिद्युत परियोजनाको कार्य थालनी, एकिकृत बाणगंगा सिचाई आयोजना र तिलौराकोट बिकासका लागी चक्रपथ निर्माणको योजना अगाडी बढाएको जानकारी दिए ।
कपिलवस्तु बाल गृह सञ्चालनमा संकट रहेको बिषयमा बोल्दै उनले बाल अधिकार संरक्षणका लागी सरकारले ठोस योजना ल्याउने प्रतिबद्धता व्यक्त गरे । सिमा क्षेत्रमा भारतिय बाँधका कारण बर्षेनी खेती योग्य जग्गा डुबान भएको बिषयमा कुटनितीक रूपमा छलफल अगाडी बढाईने उनको स्पष्टोक्ति थियो । कार्यक्रममा श्रोत अभावका कारण कपिलवस्तु बाल गृह संकटमा रहेको आयोजकले जनाएका थिए ।
बाल गृह निरन्तर सञ्चालनका लागी नियमित श्रोतको आवश्यकता पर्ने बताउदै आफुले बाल गृहको नियमित श्रोतको आवश्यकता परिपुर्ति गराउन आवश्यक बजेट बिनीयोजनका लागी केन्द्रियस्तरमा पहल गर्ने मन्त्री खनालको प्रतिबद्धता थियो । सो अवसरमा बोल्दै कपिलवस्तु बाल गृहका प्रमुख राम प्रसाद अर्यालले दातृ निकायको सहयोग बिनै चलाईएको बाल गृहमा सधै आर्थिक संकट परेको बताए ।
पछिल्लो ६ महिना यता गृहका कर्मचारीले तलब खान नपाएको अवस्थामा मन्त्री खनालले बाल गृहका लागी केन्द्रियस्तर बाट बजेट बिनीयोजन गर्ने बिषयमा गरेको प्रतिबद्धताले आफुहरूलाई आशाबादी बनाएको बताए । सो अवसरमा बोल्दै कपिलवस्तु बाल संगठनका अध्यक्ष राजु प्रसाद अर्यालले बाल गृहको निरन्तर श्रोत तयार गर्नका लागी आवश्यक पुर्वाधार निर्माण र योजना बनाउनमा आफूहरू लाग्ने बताए ।