खोज

प्रदेश ५ आर्थिक मामिला तथा योजना मन्त्रालयका सचिब थानेश्वर गौतमले कतिपय स्थानीय तहले नियम भन्दा बढि कर लगाएको भन्ने सुन्न आएकोमा यसको प्रदेश सरकारले नियमनका लागि सहजीकरण गर्ने बताएका छन् । उनले करको विषयमा नबुझी बजारमा अनावश्यक चर्चा र परिचर्चा भएको भन्दै यसलाई पहिला अध्ययन गरेर मात्रै टिका टिप्पणी गर्ने आवश्यक रहेको धारणा राखे ।
रिपोर्टस क्लबले बुटवलमा आयोजना गरिएको साक्षत्कार कार्यक्रममा उनले मुलुकमा बित्तिय संघीयता अबलम्बन गरेको स्मरण गराउँदै करको बारेमा सचेतनामूलक शिक्षा जरुरी रहेको समेत बताएका थिए । उनले संघीयतालाई खराब भन्न थालिएको र यसलाई ब्यबस्थित गर्न जरुरी रहेको बताए । देशमा नया नीति लिदाँ केही महंगो हुनु स्वभाबिक भएकोले संघीयताको अहिले नै मुल्यांकन गर्न नहुने बताए । यसलाई सहि मार्गमा लैजानको लागि सवै पक्ष जिम्बेबार हुनुपर्ने बताए । साक्षत्कार कार्यक्रममा छत्रदेब गाउँपालिका अर्घाखाँचीका अध्यक्ष लेखनाथ पोखरेलले स्थानीय तहमा पनि फरकफरक नीति देखिएको बताए । उनले केही नगर र गाउँपालिकाहरू कारणले सबै स्थानीय तहले कर जनतामारा बनाए जस्तौ देखीएपनि वास्तविकता नभएको दाबी गरे । गाउँपालिकाहरूले पहिला जनतालाई आयस्रोत बढाउनको तर्फ ध्यान दिनुपर्ने भन्दै करको दायरमा ल्याउनु पर्ने बताए । उनले स्थानीय तहले मात्रै सवै कर बृद्धि नगरेको केही जरिवाना पनि करको रूपमा बुझेको बताए । उनले भने–‘कर तिर्न योग्य बनाउनका लागि हामी लागेका छौं,हाम्रो आयु ४ बर्षको मात्रै आयु हो, भोलीकोे हैसीयत के हो त्यो सम्झनुहोला । तिलोत्तमा नगरपालिकाका प्रमुख प्रशासकिय अधिकृत कृष्ण प्रसाद सापकोटाले आफ्नो नगरपालिकाले कर बृद्धि गरेको हल्ला आए पनि आफुहरूले १२ प्रकारका छुट दिएको बताएका छन् । उनले तिलोत्तमामा आएका करको सवै नकारात्मक बिषयलाई मात्र बुझ्न नहुने बताए । बिषयगत बृहत छलफल गरी कर नगरपालिका भित्र लागू गरीएको बताए । नेपाली कांग्रेस बुटवल उपमहानगरपालिकाका सभापति खेलराज पाण्डेयले अहिले बुटवल उपमहानगरपालिकाले कर जनताको आयस्रोत विना, भौतिक पूर्वाधार विकास विना लगाएको बताए । बुटवल बहुमुखी क्याम्पसका सहप्राध्यापक नुरजंग केसीले कर तिरेको अनुभुती जनतालाइ हुननहुने बताए ।