खोज

नेत्र विक्रम चन्द नेतृत्वको नेपाल कम्न्यिुष्ट पाटी(नेकपा)ले गरेको नेपाल बन्दको प्रभाव देशभर परेको छ । सोही अनुसार प्रदेश नम्बर ५ का सबै जिल्लाहरुमा पनि बन्दको प्रभाव पुर्णरुमपा परेको छ । हाम्रा जिल्ला संवादाताहरुले पठाएको खबर अनुसार सबै जिल्लाहरुमा यातायात पुर्णरुपले ठप्प छन् भने कुनै कुनै जिल्लाहरुमा केही साना सवारी साधानहरु चलेका छन्।
गुल्मी संवाददाता जनार्दन घिमिरेका अनुसार विप्लव समुहको वन्दका कारण आज विहानै देखि गुल्मी जिल्लाको जनजीवन प्रभावित बनेको छ । वन्दले जिल्लाका सम्पुर्ण वजार, शैक्षिक संस्था, यातायात, कलकारखाना सवै ठप्प छन् ।
यस्तै नवलपरासी संवाददाता प्रमोद अर्यालका अनुसार बर्दघाट लगायत नवलपरासीमा बन्दको प्रभाव छ । फाट्टफुट्ट मोटरसाइकल चलेका छन् । सार्वजनिक सवारी पुर्णरुपमा साधन ठप्प छ । निजि सवारी हल्का चलेका छन् ।
यस्तै रुपन्देहीको देवदह संवाददाता मिना पौडेलका अनुसार मोटरसाईकल, अटो रिक्सा हल्का मात्रै सञ्चालनमा रहेका छन् । रुपन्देहीका भैरहवा, बुटवल लगायतका क्षेत्रमा पनि बन्दको प्रभाव परेको छ । केही भित्री स्थानहरुमा फ्या्ट फुट्ट सवारी सधान चलेपनि अन्य मुख्य राजमार्ग लगायतका सहायक राजमार्गहरुमा यातायातका साधान चल्न सकेका छैनन् । पाल्पा, अर्घाखाँची, दाङ्ग, प्यूठान, रुकुम, रोल्पा, बाँके, बर्दिया जिल्लामा पनि सोही प्रकृतिको बन्दको प्रभाव परेको संवाददाताहरुले जानकारी दिएका छन् ।

दाङ्ग जिल्लामा स्कटिङ गरेर लामाेदुरिका सवारि साधनलाई गन्तब्यमा पठाउदै .