खोज

नेपालगन्ज नाका हुँदै कुखुराको अवैध आयात रोकिएको छैन् । मुल सडकबाटै अवैध कुखुरा भित्रिरहेको छ । नेपालगन्ज भित्रिएका चार सय वटा क्वाईलर कुखुराको चल्ला बरामद गरेको छ । सशस्त्र प्रहरी निरिक्षक टिकाराम गोसाईको कमाण्डमा गएको टोलीले खजुरा गाँउपालिका वडा नं. १ सैनिक क्षेत्रबाट उक्त क्वाइलर कुखुराको चल्ला समातेको हो । 

नेपाल भारत सिमा नाका खुल्ला भएको कारण भारतबाट अवैध रुपमा कुखुरा ल्याउने क्रममा उक्त कुखुराको चल्ला बरामद गरिएको सशस्त्र प्रहरी नायब उपरिक्षक निरङकार शुक्लाले बताए । सशस्त्र प्रहरीले बरामद गरेको कुखुराको नेपाली बजार मूल्य करिब २४ हजार पर्ने बताइएको छ । बरामद गरिएको कुखुराको बच्चा क्वारेन्टाइन कार्यालयमा बुझाई नष्ट गरिने सशस्त्र प्रहरीले बताइएको छ । यसैगरी भारतबाट भन्सार छली ल्याउने क्रममा करिब ४० हजार मूल्यको ब्याट्री समेत सशस्त्र प्रहरीले नेपालगन्ज भन्सार नाकाबाट बरामद गरी भन्सार कार्यालय बुझाएको छ ।
यस्तै महिलाहरुको महान पर्व हरितालिका तीज नजिकीदै गर्दा भारतबाट अवैध रुपमा साह्रीहरु भित्रिने गरेको पाइएको छ । रूपैडिहाबाट अवैध रूपमा भन्सार छली सामान भित्याउने कार्यलाई रोक्नको लागि भन्सार कार्यालयमा स्थापना भएको सशस्त्र प्रहरी बल राजस्व गुल्मले आकस्मिक चेक प्वाइन्ट राखी करिब २ लाख मुल्य बराबरको अवैध सामान लुगाकपडा बरामद गरेको छ ।
भन्सार कार्यालयको मुल गेटभन्दा करिब ३ सय मिटर उत्तर राजस्व गुल्मका प्रमुख एवम् सशस्त्र प्रहरी नायब उपरिक्षक निरङकार शुक्लाको विशेष योजनामा आकस्मिक चेक प्वाइन्ट राख्दा यति ठुलो परिमाणमा अवैध सामान बरामद गर्न सफल भएको हो । चेकजाँच गर्ने क्रममा अवैध व्बाइलर कुखुरा, कपडा बरामद गरी भन्सार कार्यालय बुझाएको सशस्त्र प्रहरीले जनाएको छ ।