खोज

सामाजिक कुुरीतिको रुपमा रहेका जातीय छुवाछुत तथा विभेद सबैको साझा पलहबाट अन्त्य हुने प्रदेश ५ का सामाजिक विकास मन्त्री सुर्दशन बरालले बताएका छन् । उनले प्रदेश सरकारले कुनै पनि जातिय छुवाछुत वा कुनै पनि कुरीती लाई पोत्साहन गर्ने जो कोहीलाई पनि कारबाहीको दायरामा ल्याउने समेत बताए ।
ई–सेवा नेपाल रुपन्देहीको सोमबार बुटवलमा भएको प्रथम साधारण सभा मा बोल्दै मन्त्री बरालले भने–‘जातिय छुवाछुत कुरीती कुसस्कार हटाउने अभिभारा हामी सबैको हो, यसमा सबै लाग्नु पर्दछ । ’ उनले जातिय छुवाछुत मुक्त घोषणा गर्ने अभियानको थालनी गर्ने समुदायलाई पोत्साहन गर्ने समेत बताएका हुन । उनले जातीय छुवाछुत वा हिंसामा परेका जो कोही व्याक्तिलाई पनि प्रदेश सरकारले पुर्नस्थापना, तालिम तथा सिपको लागि उचित बजेट समेत विनियोजना गरिएको जानकारी दिए ।
अहिले प्रदेश सरकार प्रारम्भिक चरणमा रहेको कारण विभिन्न नीति नियम बनाउने प्रक्रियामा रहेको भन्दै आगामी दिनमा बन्ने विभिन्न नीति तथा नियमा दलित समुहदायको समस्याको उचित रुपमा संम्बोधन गर्ने समेत बताए । अहिले देश विकासको चरणमा रहेको जानकारी दिदै मन्त्री बरालले देश विकासका लागि आम नागरिक स्वचालितरुपमा नै क्रियाशिलता भए मात्र तिब्र रुपमा विकास हुने बताएका थिए । कार्यक्रममा ई–सेवा नेपालका संस्थापक अध्यक्ष सुनिल खड्का लगायत विभिन्न व्याक्तिहरुले आ आफ्नो भनाई राखेका थिए ।