खोज

श्रावणी मेलालाई लक्षित गरि कपिलवस्तु नगरपालिकाको नगर क्षेत्र भित्र सरसफाई अभियान चालाईएको छ ।
सामुदायिक सेवा केन्द्रको आयोजनामा जनप्रतिनिधी, नेपाली सेना, शसस्त्र प्रहरी, नेपाली सेना र केन्द्रका पदाधिकारीले हात हातमा कुचो लिएर नगर क्षेत्रको सफाईमा जुटेका हुन । प्रातिन ताम्रेश्वर नाथ शिवजी मन्दिर परिसर र नगर क्षेत्रमा सरसफाईको आयोजना गरिएको हो ।
अभियानमा कपिलवस्तु नगरपालिकाका वडा नम्बर १ का वडा अध्यक्ष सुदिप पौडेल, २ का रामभजन कलावार, ३ का प्रकाश गैरे, प्रहरी नायब उपरिक्षक रबि रावल, केन्द्रका अध्यक्ष देबी प्रसाद बर्मा, उपाध्यक्ष उमेश तमाल र कपिलवस्तु नगरपालिकाका सामाजिक बिकास सल्लाहकार सुरेन्द्र लम्साल सहित स्थानिय र सुरक्षा निकायका प्रतिनिधी गरि १ सय ५० बढिको सहभागीता रहेको थियो । आफुहरुले नियमित रुपमा सरसफाई अभियान चलाउदै आएकोमा यस बर्षको सोमबारबाट शुरु हुने श्रावणी मेलालाई लक्षित गरि मन्दिर र नगर क्षेत्रमा सरसफाईको आयोजना गरिएको अध्यक्ष देबी प्रसाद बर्माले जानकारी दिए । “हामीले सरसफाई अभियानलाई निरन्तरता दिने क्रममा श्रावणी मेलामा आउने श्रद्धालुलाई सहजताका लागी सरसफाई अभियान सञ्चालन गरेका हौं ।” वर्माले भने ।