खोज

नेपाल राष्ट्यि शिक्षक संगठनका केन्द्रिय अध्यक्ष लक्ष्मण शर्माले शिक्षकको सुविधा बृद्धि गर्नुपर्ने बताएका छन् । शिक्षकको मिहिनेतको सम्मान र योग्य व्यक्तिलाई शिक्षण पेशामा आकर्षण गर्नका लागि सुविधा बढाउनुपर्ने उनले बताए । शिक्षण पेशा सम्मानीत पेशा भएको हुदा शिक्षकको सेवा सुविधा निजामति कर्मचारीको भन्दा बढी हुनुपर्ने उनको तर्क थियो ।
नेपाल शिक्षक संगठन जिल्ला समिति रुपन्देहीले शनिवार बुटवलमा आयोजना गरेको प्रशिक्षणका कार्यक्रममा बोल्दै शर्माले बालबालिकाको भविष्यसँग शिक्षक जोडिएका कारण शिक्षकमा सुद्धिकरण हुन आवश्यक भएको बताए । उनले शिक्षकको स्वास्थ्य उपचारका लागि पनि सरकारले अस्पतालहरुमा विशेष खालको व्यवस्था गर्नुपर्ने माग राखे ।
प्रशिक्षण कार्यक्रममा बुटवल उपमहानगर पालिकाका मेयर शिवराज सुवेदीले शिक्षक र स्थानिय सरकार, पूर्व केन्द्रिय सल्लाहकार छविलाल नेपालले शिक्षक संगठन र शिक्षक महासंघको सम्बन्ध, पूर्व केन्द्रिय सदस्य कृष्ण घिमीरेले संगठन गठन र परिचालन र यूवराज घिमीरेले स्थानीय रुपमा पाटी र शिक्षक संगठन बिषयमा प्रशिक्षण दिएको थिए ।
कार्यक्रममा संगठनका जिल्ला अध्यक्ष मोतीलाल सुवेदी, काशी पोख्रेल, बिष्णु गौतम, बिष्णुहरी ज्ञवाली लगायतले बोलेका थिए ।