खोज

सल्यानको दार्मा गाउँपालिका वडा नम्बर तीन फारुलाचौरमा ईलाका प्रहरी कार्यालय स्थापना भएको छ । यहाँको भौगोलिक अवस्था, मागका आधारमा क श्रेणीको प्रहरी कार्यालय स्थापना भएको सल्यान जिल्लाका प्रहरी प्रमुख डीएसपी भरत वहादुर विकले बताए । ‘क श्रेणीको प्रहरी चौकीमा ४० जनाको दरवन्दी रहेको छ,’ उनले भने ।
सल्यानमा यस अघि त्रिवेणी गाउँपालिकाको लुहाम, कुमाख गाउँपालिकाको रागचौर, वागचौर नगरपालिकाको थारमारेमा क श्रेणीका ईलाका प्रहरी चौकी रहेका थिए । इलाका प्रहरी कार्यालय स्थापनाका लागि २०७५ जेठ २७ गते को मन्त्रीपरिषदको वैठकले निणर्य गरेको थियो ।
इलाका प्रहरी कार्यालयको एक कार्यक्रमका विच दार्मा गाउँपालिका उपाध्यक्ष टिका शर्मा ओलीले उद्घाटन गरेकी छिन् । दार्मा ईलाका प्रहरी कार्यालयको उद्घाटन गर्दे उपाध्यक्ष ओलीले जनताको माग र आवश्यकताका आधारमा ईलाका प्रहरी चौकी स्थापना हुनु सकारात्मक कार्य भएको वताइन् । साथै शान्ति सुरक्षा कायम गर्न प्रहरी सहयोगी वन्ने अपेक्षा पनि राखिन् ।
दार्मा ईलाका प्रहरी कार्यालयका ईञ्चार्ज शेर वहादुर ओलीले जनता बर्दि विनाका प्रहरी भएकोले जनताको सहयोगले मात्र शान्ति सुरक्षा कायम गर्न सकिने बताए । उनले भने, ‘हामीलाइ पनि नागरिकको सहयोग चाहियो । जनताकै सहयोगमा शान्ति सुरक्षा कायम गर्न प्रहरी तयार छ ।’