खोज

रुकुम पश्चिमको सदरमुकाम खलंगा बजारबाट दैनिक निस्किने फोहोरको उचित व्यवस्थापन नहुदाँ यतिबेला समस्या उत्पन्न भएको छ ।
मुसीकोट नगरपालिका वडा नं. १ को सल्ले, खलंगा देखी वडा नं. ५ को सेरिगाउँ सम्म फैलिएको सदरमुकामका बजार क्षेत्रबाट दैनिक निस्कने फोहोरलाई हाल वडा नं. २ स्थित पानीढुंगामा रहेको नगरपालिकाको जग्गामा अस्थाई रुपमा फलिदै आएको भएपनि स्थानियले गत शनिबारदेखी उक्त स्थानमा फोहोर फाल्न अवरोध गरेपछि समस्या झन् जटिल बन्दै गएको छ ।
विगत ५ बर्षयता पानीढुंगामा फोहोरलाई अस्थाई रुपमा फाल्दै आएको नगरपालिका कार्यालयले बताएको छ । ७ बर्ष अघि २०६७ सालमा वडा नं. २ का स्थानियले बसपार्कका निर्माणका लागि भनेर २१ रोपनि र रंगशाला निर्माणका लागि भनेर ७० रोपनी जग्गा छुट्टाछुटे्टै स्थानमा नगरपालिकाको नाममा गरिदिएका थिए ।
माथिल्नो २१ रोपनीवाला जग्गाको सतह मिलाउने भनेर केही समयदेखी नगरपालिकाकाले फोहोर यहि स्थानमा फाल्दै आएको थियो । हाल यो स्थल बजारको फोहोरले भरिदै गएपछि उक्त फोहोर जग्गा भन्दा वाहिर जान थालेको र स्थानियका खेतबारी तथा घरसम्म फोहोर हावाले उडाएर लैजाने साथै फोहोरको दुर्गन्ध पनि सबैतिर फैलिएकोले आफुहरुले अबदेखी यहाँ फाल्न नदिने स्थानिय रमेश खड्काले बताए । ‘हामिले यति लामो समयसम्म फाल्न दिईसक्यौं अब भने दिदैनौं । गत असार मसान्त सम्म मात्रै यहाँ फोहोर फल्ने भन्ने नगरपालिकाको प्रतिवद्धता गरे अनुसार असार सकिएसंगै रोकिएको हो ।’ खड्काले भने, ‘हामिले बसपार्कका लागि भनेर प्रदान गरेको जग्गामा फोहोर फालेर बसपार्क निर्माणको काम थालनी नै गरिएन ।’
स्थानियले फोहोर फाल्न रोकेपछि सदरमुकामको बजारमा फोहोरको मात्रा बढ्दै जान थालेको छ । नगरपालिकाले गत असार मसान्तसम्म मात्रै फोहोर फल्ने बताएकाले अबदेखी यहाँ फोहोर फाल्न नदिने स्थानियले अड्डी लिएका छन् ।
उता मुसीकोट नगरपालिका कार्यालयले तत्काल अर्को व्यवस्था गर्न गाह्रो भएको भन्दै हाल त्यही स्थानमा फोहोर फल्नुपर्ने वाध्यता रहेको बताएको छ । मुसीकोट नगरपालिकाका कार्यक्रम अधिकृत कुवेर केसीले भने ‘स्थानियले फोहोर फाल्न रोकेको बारे हामिलाई आधिकारिक जानकारी आएको छैन । आएपनि अहिले झट्टै फोहोर जम्मा गर्नका लागि अर्को स्थान छैन । यसकारण अर्को व्यवस्था नभएसम्मका लगि यहि ठाउँमा फोहोर फाल्नुपर्ने बाध्यता छ ।’
हाल फोहोर फालिरहेको स्थान नजिकै तलपट्टी रहेको लगभग ७० रोपनी क्षेत्रफलमा फैलिएको अर्को सार्वजनिक स्थाललाई आधुनिक स्टिोल ल्याम्पका रुपमा विकास गर्नका लािग भनेर केही बर्ष अघि झण्डै ८० लाख खर्चेर सडक पु¥याउने काम बाहेक अन्य अगाडी बढ्न सकेको छैन । यस स्थानमा नगरपालिकाकाले आधुनिक सिस्टोल ल्याम्प बनाउने बताईरहदाँ स्थानियले भने यस स्थानलाई आधुनिक रंगशाला बनाउने गरी आफुहरुले जग्गा प्रदान गरेको र यहाँपनि फोहोर फाल्ने स्थाल बनाउन नदिने बताउदै यसका लागि नगरपालिकाले अर्कै स्थानको खोजी गर्नुपर्ने बताएका छन् । मुुसीकोट नगरपालिका–२ का यि दुई स्थान बाहेक अहिले अर्कै स्थानमा फोहोर व्यवस्थापन गर्न सम्भव छैन । हाल फोहोर फालिरहेको स्थानमा पनि कुहिने र नकुहिने फोहोर नछुट्याएर जताभावी सबै फोहोरको एउटै थुप्रो बनाईएको छ । जस्ले गर्दा फोहोरको उचित व्यवस्थापन नभएका कारण समस्या बढेको छ । यता जिल्ला सदरमुकाममा आवागमन हुने सार्वजनिक सवारी राख्ने बसपार्क नहुदाँ पनि अर्को समस्या भैरहेको छ । सदरमुकामका लागि बसपार्क र डम्पिङ्ग साईट गरि दुई वटा संरचना तत्काल आवश्यक देखिएपनि यसका लागि कुनै नगरपालिकाले कुनै काम अगाडी बढाएको छैन ।