खोज

सन्तोष अधिकारी

यातायात व्यवस्थापन समिति दाङले कायम गरेको अटोरिक्साको भाडादर दाङका अटोरिक्सा व्यवसायीहरुले कार्यान्वयनमा नल्याउने बताएका छन् । बुधबार घोराहीमा भएको भेलाले गत असार २७ गते सार्वजनिक भएको अटोरिक्साको नयाँ भाडादर प्रति असन्तुष्टि जनाउँदै आफैले नयाँ भाडादर निर्धारण समेत गरेका छन् ।
यातायात व्यवस्थापन समितिको गत असार २२ गते बसेको बैठकले दाङका अटोरिक्साहरुको स्थायी भाडादर कायम गर्न उपसमिति निर्माण गरेको थियो । उक्त समितिले प्रति २ किलोमिटर प्रतिब्यक्ती २० रुपैंया भाडादर सिफारिस गरेको थियो । भने २ किलोमिटर भन्दा धेरै भएमा प्रतिकिलोमिटर १० रुपैयाका दरले थपहुदै जाने समितिको सिफारीसमा उल्लेख छ । अटोरीक्साको भाडादर निर्धारणका लागि बनेको उपसमितिले गरेको सीफारीषका आधारमा यातायात व्यवस्था कार्यालय राप्तिले बुधवार भाडादर सार्वजनीक गरेको हो ।
यातायात व्यवस्था समितिबाट पारित नहुँदासम्म प्रति २ किलोमिटरका लागि २० रुपैंया र बाँकी १ किलोमिटरमा १० रुपैंया प्रतिब्यक्ति थप भाडा लिने गरी तदर्थ भाडादर कायम गरेको यातायात व्यवस्था कार्यालय तुलसीपुरले जानकारी दिएको छ । यता समितिले सिफारिस गरेको भाडादर मान्य नहुने भन्दै अटोव्यवसायीले बुधवार घोराहीमा छुट्टै भाडादर निर्धारण गरेका छन् । घोराहीमा भएको भेलाले संयुक्त अटो ट्याम्पो व्यवसायी समिति समेत गठन गरेको छ । उक्त समितिले नै आफैले नयाँ भाडादर निर्धारण गरेको हो । आफुले निर्धारण गरेको भाडादर सिफारिसका लागि यातायात व्यवस्था कार्यालयमा पठाउने समितिका अध्यक्ष अमर बुढाले बताए ।
तर दाङका अरु ५ वटा अटो रिक्सा प्रालीहरुले भने आफुहरुको सहभागीता विना निर्धारण गरेको नयाँ भाडादर कार्यान्वयन गर्न गाह्रो हुने बताएका छन् । उनीहरुले अटोरिक्साहरुको दैनिक खर्च मात्रै २ हजार १ सय २० रुपैंया हुने भन्दै प्रतिकिलोमिटर प्रतिब्यक्ति १० रुपैंयाले आफ्नो व्यवसाय नै धरापमा पर्ने बताए । यसैबीच बुधवार घोराहीमा बसेको अटोरिक्सा व्यावसायीहरुको भेलाले ५० प्रतिशतले भाडादर घटाएको जानकारी दिएको छ । यो भाडादरले हरेक किलोमिटरमा प्रति ब्यक्ति २५ रुपैंयाको दर हुन आउँछ । ५ वर्ष भन्दा माथिका यात्रुलाई पुरा भाडा लाग्ने, १० केजीदेखि माथि ५० केजी सम्मको सामानको भाडा अर्थात यात्रु सरह ५० रुपैया नै लाग्ने निर्णय बैठकले गरेको छ । साथै समितिले घोराहीका लागि तुलसीपुर चोकलाई आधार मानेर पूर्व, पश्चिम, उत्तर र दक्षिणका विभिन्न क्षेत्रमा भाडादर निर्धारण गरेको जानकारी दिएको छ । निर्धारण गरेको भाडा यातायात व्यवस्थापन समिति यातायात व्यवस्था कार्यालय तुलसीपुरमा सिफारिस गरिदिनका लागि पठाउने समितिका अध्यक्ष बुढाले जानकारी दिए ।
तर जिल्ला यातायात व्यवस्था समितिले जिल्लामा सञ्चालनमा रहेका अटोरीक्सा, टेम्पो, ई रीक्साका समितिहरुलाई पनि नयाँ भाडादर पत्राचार गरीसकेकोले कार्यान्वयन नगरेमा कार्वाहिको भागिदार स्वंय अटो चालक हुने यातायात व्यवस्था कार्यालय राप्तिका प्रमुख मित्रलाल ढकाल बताउछन् ।
प्रमुख जिल्ला अधिकारीको नेतृत्वमा हुने यातायात व्यवस्था समितिले निर्धारण गरेको भाडादर लागु नगर्नेलाई कार्वाही गरीने छ ढकालले भने । गत असार २७ गते प्रमुख जिल्ला अधिकारी, यातायात समितिका प्रतिनिधि, मजदुर संगठनका प्रतिनिधि र यातायात व्यवस्था कार्यायलका प्रमुख सहितको समितिले कायम गरेको भाडादर नलिई आफुखुसी भाडादर कायमगर्ने ब्यक्तीलाई समेत कार्वाही गरीने जिल्ला ट्राफिक प्रहरी कार्यालय दाङका प्रमुख मदन कुँवरले जानकारी दिए ।