खोज

महिला हिसा बिरुद्ध देशभर १६ दिने अभियान चलिरहेको बेला रूपन्देहीमा छात्राहरूको आत्मरक्षाका तालिम चलाईएका छन ।रूपन्देही तेक्वाण्डो स्कुल संघको आयोजनामा रूपन्देहीका विभिन्न विद्यालयमा मार्शल आर्टका तालिमहरू चलार्ईएको हो ।
छात्राहरूमाथि हुने हातपातबाट बच्न छोटो समयको यो तालिम सहयोगी हुने रूपन्देही तेक्वाण्डो स्कुल संघका अध्यक्ष राजकुमार पाण्डेले बताए । ‘कञ्चलपुरको निर्मला बलात्कार घटनापुनः नहोस भन्ने सोचले छात्राहरूलाई आत्मसुरक्षा लक्षित कार्यक्रमहरू चलाइरहेका छौ ।’–पाण्डेले भने । करीब दुई महिनादेखि निरन्तर जिल्लाका आधा दर्जन बढी विद्यालयमा अभियान चलिरहेको उनले बताए । लुम्बिनी बोर्डिङ्ग स्कुल, लिटल स्टार बोर्डिङ्ग स्कुल मधवलिया, अक्सफोर्डईगलिस बोर्डिङ्ग, सिद्धार्थ ईगलिस बोर्डिङ्ग स्कुलमा तालिम गरिसकेको उनले बताए । विहिबारदेखि ईडन ईगलिस बोर्डिङ्ग स्कुल नहरपुरमा समेत आत्मरक्षाका कक्षाहरू शुरु भएको उनले बताए ।
विद्यालयका ६ देखि ९ कक्षासम्मका छात्राहरूलाई ३ दिने आफुमाथि हुने आक्रमणबाट बच्ने, छलाउने उपायहरू सिकाएकोसचिव राजिव सिह क्षेत्रीले बताए । तीन दिन छोटो समय भएपनि टेक्निकहरू प्रभावकारी हुने उनले बताए । अहिलेसम्म करीब आठ सय विद्यार्थीहरूले यो अभियानमा सहभागी भएको उनले बताए ।
संघका उपाध्यक्ष रामु बरुण सेल्फ डिफेन्सका कक्षाहरूको अवधि लम्याउनुपर्ने सुझाव दिन्छन । ‘कम्तीमा ३ महिनाको अवधिको कक्षा चलाउन सके धेरै फाईदा हुन्छ ।’– उनले भने ।
ईडन ईगलिस बोर्डिङ्ग स्कुलका अध्यक्ष नहकुल शाहीले छात्राहरूको सुरक्षामा अभियान सहयोगी सिद्ध हुने बताए ।विद्यालयस्तरमा आत्मरक्षाका अभियानलाई सरकारले अनिवार्य बनाउनसके धेरै राम्रो हुने उनले बताए । विहिबारदेखि विद्यालयमा शुरु भएको तालिममा ७० जना छात्राहरू सहभागि भएको उनले बताए । विद्यालयमा अतिरिक्त क्रियाकलाप अन्तरगत मार्शल आर्टका कक्षाहरू समेत दिदै आएको उनले बताए ।à