खोज

प्रकाश नेपाल
पाल्पा, १ साउन जिल्ला अदालतका न्यायधीश शंकर राज वरालले अदालत र सञ्चारको सम्बन्ध सदैव सुमुधुर हुनु पर्ने बताएका छन् ।
सञ्चार जगत सधैव परिर्तनका संवादहरु भएकोले समाचार सम्प्रेषण गर्दा उत्तीर्ण जिम्मेवारी कर्तव्य निष्ठ हुनु पर्नेमा जोड दिए । साधारण चलन चल्ती र अदालती भाषामा फरक फरक हुने भएकोले अदालती भाषा तथा न्यायका प्रयोग गरीमै केही शब्दहरुका कारण असजिलो तथा अप्ठेरो हुने न्यायधिश वरालको भनाइ थियो ।
कानुनी शब्दका प्रयोग तथा मानवअधिकारको रक्षाका विषयमा र अदालती समाचार सम्प्रेषण का विषयमा अदालत र सञ्चारकर्मी वीच समन्वय गर्ने उनले प्रतिवद्धता व्यक्त गरे ।
गत आर्थिक वर्षको अवधिमा जिल्ला अदालतबाट गरीएको कार्य सम्पादन का विषयमा जानकारी गराउने उद्देश्यले आयोजीत पत्रकार सम्मेलनमा उनले सञ्चार जगत सँग मात्र नभइ,सर्वसाधरण सँग पनि न्यायलयको सम्बन्ध राम्रो हुनु पर्ने बताए ।
कार्यक्रममा अदालतका श्रेस्तेदार शूवर्ण खनालले गत आर्थिक वर्षको वार्षिक प्रतिवेदन प्रस्तुत गर्दै वार्षिक लगत अनुमान तर्फ ९९.११ सफलता प्राप्त गरेको बताउदै अनुमान गरको संख्या भन्दा ४ थान मुद्धा कम र लक्ष्य भन्दा ९ थान बढी मुद्धा फस्र्येट गरी ७२.८२ प्रतिशत सफलता प्राप्त गरेको बताए । १८ महिना नाघेको १४ थान, १ वर्ष देखि १८ महिना भित्रका ३ थान र १ वर्ष भन्दा कम अवधिका १ सय ५ थान गरी जम्मा १२२ थान मुद्धा ०७५÷०७६ का लागि जिम्मेवारी सरेको बताए ।
श्रेस्तेदार खनालले जिम्मेवारी सरी आएको र अघिल्लो वर्षको समेत कैदतर्फ लगत ५ सय ३८ वर्ष ६ महिना ८ दिन रहेकोमा आर्थिक वर्ष ०७४÷०७५ मा १ सय ६६ वर्ष ३ महिना २६ दिन असुल भइ ३ सय ७२ वर्ष २ महिना १२ दिन असुल गर्न बाकी र नगद तर्फ अघिल्लो आर्थिक वर्ष को जिम्मेवारी सरेको सहित कुल लगत ६ करोड ८५ लाख ५८ हजार ९ सय २० रुपैयाँ ३१ पैसा रहेकोमा गत आवमा ७ , ६४०८, २० असुल भई ६,७७,९४०९९ असुल गर्न बाकी रहेको बताए कार्यक्रममा विवाद समाधानको दिगो र सर्वोत्कृष्ट विकल्प मेलमिलाप हो । भन्ने अदालतले अध्यावधिक मेलमिलाप कर्ताको सुचिमा ३२ जना मेलमिलापकर्ताहरु सुचिकृत रहेको र गत आर्थिक वर्षमा ८३ थान मुद्धा मेलमिलाप केन्द्रमा पठाइएकोमा ४२ थान मुद्धामा मेलमिलापले सफलता हासिल गरेको बताइएको थियो ।