खोज

फिल्म ‘ड्रिम गर्ल’ युनिट मोफसल प्रचारमा निस्किएको छ । फिल्म गत शुक्रबारदेखि प्रदर्शनमा आएतापनि युनिटले आइतबारबाटै प्रचार प्रसारमा निस्किएको हो । टोली मंगलबार बुटवलमा आएको छ । चलचित्र पत्रकार संघ रूपन्देहीले आयोजना गरेको साक्षात्कार कार्यक्रममा निर्देशक ऋषिराज आचार्यले चलचित्र राम्रो बनेको बताएका थिए । मोफसल यात्रामा नायिकाद्वय आश्मा गिरी, पूजा पराजुली, कलाकार शिशिर भण्डारी र मिडिया संयोजक लक्ष्मण सुवेदी छन् ।
नायक आकाश श्रेष्ठ भने यो टिममा सहभागी छैनन् । पोखरा लगायत मोफसलका मुख्य मुख्य शहरमा ड्रिम गर्ल टिम पुग्ने मिडिया संयोजक सुवेदीले जानकारी दिएका दिए । उनका अनुसार प्रदर्शनरत फिल्म ड्रिम गर्ल लाई मन पराइरहेका छन् ।
चलचित्रमा आकाश श्रेष्ठ र आश्मा गिरी बाहेक चलचित्रमा विल्सनविक्रम राई, सरोज खनाल, अर्जुन श्रेष्ठ, शिशिर भण्डारी, पूजा पराजुली, निर्मल शर्मा, लक्ष्मी गिरी, रश्मी भट्ट, सुरवीर पण्डित लगायतको मूख्य भूमिका देख्न सकिन्छ । राहुल राईले खिचेको चलचित्रमा अर्जुन पोखरेलको संगीत र गम्भीर बिष्टको कोरियोग्राफी रहेको छ । चलचित्रका सम्पादक नवीन निरौला हुन् । ऋषिराज आचार्यको निर्देशनमा बनेको चलचित्र अर्जुन शर्मा, ऋषिराज आचार्य र रामेश्वर घितालले संयुक्त रूपमा निर्माण गरेका हुन् ।