खोज

नेपाल आईडल सिजन २ मा प्रतिस्पर्धा गरिरहेका प्रदेश नं ५ का एक मात्र प्रतिस्पर्धी अमित बराललाई जिताउन रूपन्देहीमा ‘अमित बराल जिताऔ अभियान सुरु’ भएको छ ।
एपीवान टेलिभिजनबाट प्रसारण हुने नेपाल आईडल सिजन २ का प्रतिस्पर्धी बरालको ‘भोटिङ’ प्रचार प्रसारसँगै सहयोग जुटाउनका लागि सैनामैनाका विभिन्न संघ संस्थाको आयोजनामा मंगलबारदेखि अमित बराल जिताऔं अभियान सुरु भएको हो । बराल जिताऔ अभियान कार्यक्रममा बोल्दै सैनामैना नगरपालिकाका मेयर चित्र बहादुर कार्कीले अमित सैनामैनाको मात्र नभई राष्ट्रकै एक गहना भएको बताए । उत्कृष्ट ६ मा पर्न सफल अमितको कला र प्रतिभाको उच्च सम्मान गर्दै सबैले भोट गरी सहयोग गर्नुपर्ने बताए । कार्यक्रममा रिजन चेयरपर्सन तथा लायन्स क्लव अफ सैनामैनाका संस्थापक अध्यक्ष तिलब के.सीले अमितलाई नेपाल आईडल बनाउन सबैको साथ र सहयोग आवश्यक रहेको बताए । यसैगरी लायन्स क्लव अफ सैनामैना मलमलाका संस्थापक अध्यक्ष कृष्ण प्रसाद शर्माले अमित देशको पहिचान भएको बताए ।
कार्यक्रममा नेकपाका जिल्ला सदस्य नर बहादुर घर्ती, नेपाली कांग्रेस सैनामैना नगर सभापति रामप्रसाद अधिकारी लगायतले बोल्दै अमित बराललाई जिताउन आफूहरूले सक्दो पहल गरिरहेको बताए । साथै प्रदेश ५ कै एक मात्र प्रतिस्पर्धी रहेको हँुदा अमित नेपाल आईडलको दाबेदार भएको बताउँदै सम्पूर्णलाई भोटका लागि अपिल गरेका थिए । उक्त कार्यक्रममा नेपाल आईडलको टप ‘सिक्स’ मा पुग्न सफल बरालको जिबनी र उनको नेपाल आइडलको हाल सम्मको यात्रा सम्मिलित सानो बृतचित्र प्रदर्शन गरिएको थियो ।
यसैबिच बराललाई जिताउन सहयोग स्वरूप लायन्स क्लब अफ सैनामैना, रोटरी क्लब अफ सैनामैना, सैनामैना जेसिज, आम समूह स्थानीय समाजसेवी व्यक्तित्व लगायतले आर्थिक सहयोग गरेका छन् । अमित बरालका बुवा जीवन बराल, आमा सीता बराल, सैनामैना उद्योग वाणिज्य संघका अध्यक्ष राज बहादुर क्षेत्री, रेडियो मलमलाका स्टेशन म्यानेजर ऋषिराम न्यौपाने, प्रभात आवसीय बोडङ स्कुलका प्राचार्य अनन्तराम शर्मा, सैनामैना मेमोरियलका प्राचार्य जे.बी क्षेत्री, हिमाल बोर्डिङ स्कुलका प्रिन्सिपल हेमराज भट्टराई, जन्मुक्ति पार्टीका नगर संयोजक टम बहादुर सोमै, राप्रपाका नगर संयोजक ईश्वरी घिमीरे, नेकपा सैनामैनाका सेक्रेटरी प्रेम चन्द्र भुसाल, सैनामैना जेसिजका निवर्तमान अध्यक्ष नन्दु थापा क्षेत्री, रोट्रयाक्ट क्लब अफ सैनामैनाका सल्लाहकार सुरज थापा मगर, लायन्स क्लव अफ सैनामैनाका सचिव दिपक अधिकारी लगायतले बोलेका थिए । लायन्स क्लव अफ सैनामैना, रोटरी क्लव अफ सैनामैना, लायन्स क्ल्व अफ सैनामैना मलमला, लायन्स क्लव अफ सैनामैना सालझण्डी, सैनामैना जेसिज, लियो क्लव अफ सैनामैना, रोट्रयाक्ट क्लव अफ सैनामैना, सैनामैना संस्थागत विद्यालय संगठनको संयुक्त आयोजनामा सम्पन्न भएको हो । à