खोज

अर्घाखाँचीमा जन्मीएका कलाकार कमल सौराग ले हालसम्म पनि आफ्नो कलाकारीता यात्रा जारी राखेका छन् । ‘घुम्ती नपार्नी…, दैला मुनी जौं…, मनको धोको…’ लगायत उनका गीत अहिले पनि मानिको मानसपटलमा छाईरहन्छन् । गायनसँगै गीत संगीत सृजनामा पनि उनलेको योगदान रहेको छ । पछिल्लो समयमा उनले स्वम्बरमा माला लगाई…, तिमी एक प्रेम कथा…, तिमी कस्ती भइछौं…लगायत गीत बजारमा ल्याएका छन् । जसले उनलाई थप चर्चामा पु¥याएको छ । स्कूले जीवनदेखि नै सांगीतिक क्षेत्रमा लागेका कमल सौराग गायन क्षेत्रका गर्भिला पात्र हुन् । सांगीतिक जीवनको यात्रा गर्दैगर्दा उनले दर्जैनौं गीत गाएका छन् ।
‘बाहिरी कार्यक्रममा गाउनेहरू कै ‘डिमान्ड’ बढी हुन्छ,’ उनी भन्छन्, –‘सयौं गीत गाएको छु तर गीत गाउँदैमा सबै चर्चामा आउनुपर्छ भन्ने छैन, अहिले मलाई बाहिर कार्यक्रमहरूमा बढी निमन्त्रणा आउने गरेको छ ।’ आफ्नो सिर्जनशीलतालाई सुसज्जित बनाउने क्रममा उनी त्यो भन्दा बढी दुःख झेलेका पनि छन् ।
२०५८ सालमा उनी गायन क्षेत्रलाई मनमा बोकेर काठमाडौं छिरेका थिए । स्कूल पढ्दा पनि उनी सबैजसो प्रतियोगितामा पहिलो हुन्थे । स्वर र सिर्जना शक्ति देखेपछि उनलाई गीत गाउन लगाउँथे । उनी धक नमानी सुनाउँथे । आफ्नो रुची मेट्न उनले परिवारको आग्रहलाई मानेनन् । किनकी उनलाई संगीतको प्यास लागिसकेको थियो । उनी त्यो प्यास मेटाउने कुवा खोजिरहेका थिए । उनी भन्छन्, ‘घरमा मलाई डाक्टर बन्नुपर्छ भन्नुहुन्थ्यो, तर, मेरो रुची गायन क्षेत्रमै थियो, आफ्नो रुचीलाई मेट्न मैले ठूलो संघर्ष गरेँ, रूची भएको क्षेत्रमा मेहनेत गर्ने हो भने माथिल्लो तहसम्म आफूलाई टेकाउन सकिँदो रहेछ ।’ गायक क्षेत्रमा लागेका सौरागले आफ्नो कामको हौसलारूपी सम्मान पनि पाएका छन् । उनले राष्ट्रिय लोक दोहोर अवार्ड–२०७३, विन्दवासिनी अवार्ड–२०७३÷०७४, म्हेन्दोमाया अवार्ड–२०७४, तीज अवार्ड–२०७४, ओएस नेपाल अवार्ड–२०७५ लगायत थुप्रै सम्मान र अवार्ड थापेका छन् । उनी गायन क्षेत्रमा लागेको १७ बर्ष नाघेको छ । यो बीचमा उनले धेरै गीत गाएका छन् । à