खोज

बुटवल आससापमा शुक्रबारको दिन र असार महिनामा बढि अपराधजन्य क्रियाकलाप हुने गरेको रोचक तथ्यांक पाइएको छ । ईलाका प्रहरी कार्यालय बुठवलका अनुसार सबैभन्दा अपराधजन्य क्रियाकलपाहरु असार महिनामा बढि र बारको विश्लेषण गर्दा शुक्रबारको दिन बढि अपराध हुने गरेको पाइएको हो । ईलाका प्रहरी कार्यालय बुटवलका प्रमुख डिएस्पी डिल बहादुर मल्लका अनुसार गत आर्थिक बर्ष २०७४÷०७५ मा सबैभन्दा बढि असार महिनमा १ सय २० वटा अपराध जन्य क्रियाकलाप भएको जानकारी दिए । अउनका अनुसार शुक्रवारको दिनमा बर्षभरीमा कुल १ सय ३ वटा त्यसत्ो प्रकृतिको अपारध हुने गरेको हो ।
यस्तै सोही आर्थिक बर्षमा बैशाख महिनमा ५४, जेठमा ४३, असारमा १२०, साउनमा ४३, भदौमा ३९, असोजमा ५६, कार्तिकमा ७३, मंसिमा ३०, पुसमा ३३, माघमा ४२, फागुनमा ५५, चैत महिनमा ४० वटा अपराधजन्य क्रियाकलाप भएका छन् ।
यस्तै बार अनुसारको विश्लेषण गर्दा आईतबारको दिन कुल ८४ वटा, सोमारको दिन ८९ वटा, मंगलबारको दिन ८६ वटा, बुधबारको दिन ९२ वटा, विहिवार दिन ९३ वटा, शुक्रबारको दिन १ सय ३ वटा र शनिवारको दिन जम्मा ८१ वटा अपराधहरु भएको पाइएको छ ।
बुटवल–आसपासमा लागु औषधको कारोबार गर्नेहरु विस्तारै बढ्दै गएको पाइएको छ । रुपन्देहीमा भारत संग जोडिएको बेलहिया नाका, नवलपरासी जिल्लाको महेशपुर नाका र कपिलवस्तु जिल्लाको कृष्ण नगर नाका बाट बुटवललाई ट्रान्जिट गरेर लागू औषको कारोबार हुने गरेको तथ्यांक खुलेको हो । ईलाका प्रहरी कार्यालयको चालु अवस्थमा रहेका मुद्धाहरुको प्रकृति हेर्दा सबैभन्दा बढि लागु औषधका मुद्धाहरु बढि रहेका छन् ।
ईलाका प्रहरी कार्यालय बुटवलका प्रमुख डिएस्पी डिल बहादुर मल्लका अनुसार कुल २७ वटा मुद्धा लागु औषधका रहेका छन् । अहिले चालु अवस्थमा रहेका मुद्धाहरु कुल ५१ वटा रहेकोमा २७ वटा लागु औषधका मुद्धाहरु हुन । उनका अनुसार जसमा कुल ४९ जना पुरुष र ३ जना महिला समेत संलग्न रहेका पाइएको हो ।
यस्तै बुटवल क्षेत्रमा लागु औषध पछि सवारी ज्यानका मुद्धा दोस्रो नम्बरमा रहेका छन् । जसमा ७ वटा रहेका छन्, जुन चालु अवस्थामा रहेका मुद्धाहरु हुन । यस्तै हातहतिार खरखजानमा १ वटा, सार्वजनिक मा ७ वटा, कर्तव्य ज्यानमा १ वटा, चोरी मा ३ वटा, जवरजस्ती करणी उद्योगमा १ वटा, जवरजस्ती करणीमा २ वटा, ज्यान मार्ने उद्योगमा १ वटा र मानवबेचविखनमा १ वटा मुद्धा चालु अवस्थमा रहेका छन् ।
ईलाका प्रहरी कार्यालय बुटवलमा गत आर्थिक बर्ष २०७४/०७५ मा विभिन्न प्रकृतिका ६ सय ३० वटा मुद्धा दर्ता गरेको छ । जसमा कुल ३ सय ८६ वटा मुद्धा फस्र्याैट भएका छन् भने मुल २ सय ४४ वटा मुद्धा फस्र्र्याैट हुन बाँकी रहेका छन् ।
ईलाका प्रहरी कार्यालय फरार सूचीमा रहेका ११ जना लाई गत आर्थिक बर्षमा पक्राउ गर्न सफल भएको छ । कर्तव्य ज्यान मुद्धामा फरार ४ जान, लागु औषधका ४ जना, ज्यान मार्ने उद्योगका ४ जना, ठगीका १ जना, मानव बेचविखन तथा ओसार पसारका ३ जना, सार्वजनिक अपराधका १ जना र खुन डाँका २ जना गरी १९ जनालाई पक्राउ गरी कारवाही प्रक्रिया अगाडी बढाएको छ ।
ईलाका प्रहरी कार्यालय बुटवलका प्रमुख डिएस्पी डिल्ला बहादुर मल्लका अनुसार मुद्धा फस्र्यौटमा सीमित साधन र श्रोतका कारण काम गर्न असहज भएको छ । यस्तै साधनहरूको सीमित उपलव्धता, उपलव्ध भएका साधन श्रोतहरू मर्मतको लागी बजेटको अभाव, जनघनत्व अनुसार प्रहरी कर्मचारी नहुंदा कार्य सम्पादन गर्न कठीन रहेको छ । उनी भन्छन्–‘समयानुकूल साधनहरू उपलव्ध नहुंदा अनुसन्धान कार्यमा कठीनाई भएको छ भने सर्व साधारण जनतामा चेतनाको कमीले गर्दा सूचना संकलन गर्न कठीनाई भएको छ । ’