खोज

लायन्स क्लव अफ बुटवलको आयोजानमा रुपन्देहीमा रहेको लुम्बिनी अञ्चल अस्पतालमा उपचार गर्न आउने बालबालिकाहरुको लागि करिव २५ लाख रुपैयाँ बराबरको उपकरण र जिन्सी सहयोग गरेको छ । सोमबार अस्पतालमा एक विशेष कार्यक्रमको आयोजना गरी लायन्स क्लव बुटवल बर्ष १८÷०१९ का अध्यक्ष शुनिलकष्ण श्रेष्ठले बुटवल उपमहानगरपालिकाका प्रमुख शिवराज सुवेदी, अस्पताल विकास समितिका अध्यक्ष रमेश खनाल र मेडिकल सुपरीटेन्डेन्ट डा. कृष्ण प्रसाद खनाललाई संयुक्त रुपमा समान हस्तान्तरण गरेका हुन । कार्यक्रममा बोल्दै बुटवल उप–महानगर पालिकाका प्रमुख शिवराज सुवेदीले सामाजिक सेवा भावले गरिएको लायन्सको कार्य उत्कृष्ठ भएको बताउदै आगामी दिनमा पनि सहकार्य गर्न स्थानिय सरकार जहिले पनि तयार रहेको बताएका थिए ।
कार्यक्रममा बोल्दै लायन्स ३२२५ वि २ का डिष्ट्रिक गर्भनर शुनिल ओझाले लायन्सले अन्धोपन निवरण संगै अभियानको रुपमा डाईबेटिजको अन्त्यको लागि विभिन्न सचेतना मुलक कार्यक्रम अगाडी बढाएको जानकारी दिएका थिए । यस्तै पुर्व डिष्ट्रिक गर्भनर महेन्द्र नारायण श्रेष्ठले अञ्चल अस्पताले कुनै पनि स्थानमा जग्गा उपलब्ध गराएमा निशुल्क रुपमा आँखा उपचार गर्ने क्लिीक सञ्चालन गर्न आफुहरु तयार रहेको धारणा राखे । यस्तै कार्यक्रममा लुम्बिनी अञ्चल अस्पताल बुटवलका अध्यक्ष रमेश खनाल, लायन्स क्लव अफ बुटवलका पुर्व अध्यक्ष अर्जुन मान सैजु, अस्पतालमा मेडिकल सुपरिटेन्डेन्ट डा. कृष्ण प्रसाद खनाल, लायन्स बुटवलका सचिव आनन्दमान ओझा लगायतले बोलेका थिए । लायन्स क्लव अफ बुटवलका अध्यक्ष शुनिल कृष्ण श्रेष्ठका अनुसार अस्पतलमा फोटो थेरापी मेसिनको साथै बच्चाहरुको लागि विभिन्न बेड र औषधी उपचारमा प्रयो गरिने विभिन्न उपकारणहरु प्रदान गरिएको हो ।