खोज

बुटवल,२८ माघ । रूपन्देहीको मुख्य राजमार्ग आसपासमा सञ्चालित होटलहरूमा रुपन्देही प्रशासनले अनुगमन गरेको छ । अनुगमनको क्रममा २ वटा होटल बिना दर्ता सन्चालन गरेको भन्दै प्रशासनले जनही ७० हजार जरिवाना गरेको छ । जिल्ला प्रशासन कार्यालय रूपन्देहीको नेतृत्वमा खाद्य प्रविधि तथा गुण नियन्त्रण कायालय, घरेलु तथा साना उद्योग कायालय, ईलाका प्रहरी कार्यालयको टोलीले गरेको अनुगमनमा होटलहरू दर्ता नगरी सन्चालन गरिएको, मूल्य सूचि नराखेको, सरसफाईमा ध्यान नदिएको, खानामा स्वास्थ्यबारे ख्याल नगरेको पाइएको रूपन्देहीका सहायक प्रमुख जिल्ला अधिकारी रामचन्द्र अर्यालले बताए ।
अनुगमनकै क्रममा देबदह नगरपालिका घोडाहामा रहेको आंधिखोला होटललाई बिना दर्ता सन्चालन गरेको स्वीकृति बिना मदिरा बिक्री गरेको भन्दै नगद रू २० हजार जरिवाना गरिएको हो ।
तेस्तै बुटबल उपमहानगरपालिका १२ कलुवामा रहेको मालिका कालिका होटलमा गरिएको छडके अनुगमनमा राज्यका कुनैपनि निकायमा दर्ता नभएको , मुल्यसुचि नराखेको, खाना बनाउने किचन कोठा फोहोर रहेको र यान्रुहरूलाई दिने खाना स्वस्थकर नदेखिएको भन्दै अनुगमन टोलीले ५० हजार जरिवाना गरेको अनुगमन टोलीले बताएको छ ।
। बुटवलको जितगढीमा रहेको पोखरा होटलमा गरेको अनुगनमा केही सुधार गर्नुपने भन्दै सचेत गराएएको छ । उपभोक्ताको हितलाई ध्यान राखेर सचेत र जिम्मेवार गराउने गरी अनुगमन गर्दै आएको अनुगमनका संयोजक सहायक प्रमुख जिल्ला अधिकारी रामचन्द्र अयालले बताए । अनुगमनलाई थप कडाई गर्दै लैजाने समेत उनले बताए ।