खोज

श्रीमतीको हत्या गरि फरार बनेका गुल्मी मालीका गाउँपालीका ६ निवासि ३३ वर्षीय दुर्गा बहादुर नेपालीलाई जिल्ला प्रहरी कार्यालय गुल्मीले पक्राउ गरेको छ । पक्राउ परेका नेपाली विहिवार राती आफ्नै श्रीमती ३६ वर्षीय सिता नेपालीलाई हत्या गरि फरार बनेका थिए । नेपालीलाई ईलाका प्रहरी कार्यालय पुर्कोटदह बाट प्रहरी निरिक्षको कमाण्डमा खटिएकोे प्रहरी टोलीले सनिवार राती ११ बजे घर नजिकैको धाराचौर स्थीत गहँुछरे भन्ने स्थानमा पर्ने जैगलमा रहेको खाली गोठमा लुकिछिपि बसेको अवस्थामा पक्राउ गरेको जिल्ला प्रहरी कार्यालय गुल्मीका प्रहरि उपरिक्षक दिपक कुमार बस्नेतले बताए ।
हत्याका अभियुक्त नेपालीलाई जिल्ला प्रहरी कार्यालय गुल्मीले आईतबार पत्रकार सम्मेलन गरि सार्वजनिक गरेको हो । अभियुक्त नेपालीले आफ्नै घर नजिकै रहेको स्थानीय राजकुमार थापाको मान्छे नवस्ने खाली घरमा झ्यालवाट छिरेर आफ्ना चारजना वच्चाहरूसँगै सुतिरहेकी श्रीमती सिता नेपालीलाई आगुलाले हानेर विभत्स तरिकाले हत्या गरि फरार भएको प्रहरीले बताएको छ ।
नेपाली स्कुलको ढलान गर्ने कामवाट घर फर्कि आउँदा मदिरा सेवन गरि आएको र घर आउँदा छिमेकीहरूले माईतवाट तेरी श्रीमती आएकि भनेर जानकारी दिएपछि नीज घरमा गएको र घरमा जाँदा छोराछोरी पनि नभएपछि खोज्दै जाँदा उक्त खाली घरमा भित्रवाट ढोका लगाएर लुकेर बसेको थाहा पाएपछि सोही घरको माथिवाट ढुंगाको छानो भएको खुल्ला रहेको झ्यालबाट छिरेर हत्या गरेको अभियुक्तको भनाईलाई उद्दृत गर्दै प्रहरीले बताएको छ । श्रीमतीको हत्या गरेपछि निजले आमासगँै सुतेका छोराछोरीहरू मध्य डेढ वर्षको बच्चालाई त्यही घटना स्थलमा छोडी हन्य तीनजना बच्चाहरूलाई आफ्नै घरमा लगेर गएको र उक्त बच्चाहरूलाई घटनाको वारेमा केही भने मारिदिने भनि धम्की समेत दिएको प्रहरीले बताएको छ । ‘घटना स्थलमा जाँच गर्दा मृतकको शरिरमा कुनै कपडाहरू नरहेको र शरिरको सम्पूर्ण भागमा निलडाम, चोटपटक र रगतपिच्छे अवस्थामा रहेको हुँदा निजले अमानवीय रूपमा निकै क्रुर तरिकाले चरम यातना दिई कर्तव्यगरि मारेको पाईयो’ अनुसन्धानकोलागि घटना स्थलमा पुगेका प्रहरि उपरिक्षक बस्नेतले पत्रकार सम्मेलनमा बताए । निज नेपालीका डेढ वर्षदेखि १० वर्ष सम्मका गरि तीन छोरा र एक छोरीहरू रहेका छन् ।
आमाको हत्यापछि ती अवोध वालवालीकाहरू यतिवेला थप विचल्लीमा परेका छन् । प्रहरीले नेपालीलाई जिल्ला अदालत गुल्मीमा आईतवार म्याद थप गरि थप अनुसन्धान शुरु गरेको छ । घटनाको अनुसन्धानमा प्रहरीले खेलेको भुमिकालाई उच्च मुल्यांकन गर्दै पत्रकार सम्मेलनमा मदाने गाउँपालीका अध्यक्ष दान बहादुर केसीले घटनाको अनुसन्धानमा खटिएका ईलाका प्रहरी कार्यालय पुर्कोट दहको टोलीलाई रु पाँच हजार नगद पुरस्कार उपलव्ध गराएका थिए । पत्रकार सम्मेलनमा प्रमुख जिल्ला अधिकारी यदुनाथ पौडेलले उक्त घटनाको अनुसन्धानमा सुरक्षा निकायले खेलेको भुमिकाको उच्च प्रशंसा गर्दै राम्रो काम गर्ने प्रहरीहरूलाई प्रोत्साहन गरिने बताए ।à