खोज

लुम्बिनी स्पोट्र्स क्लबको आयोजनामा रूपन्देहीको तिलोत्तमा नगरपालिका–१४ मा तेस्रो खुल्ला डबल्स पुरुष व्याडमिन्टन प्रतियोगीता शनिवारबाट सुरु भएको छ । प्रथियोगीताको सुभारम्भ गर्दै प्रदेश सभा सदस्य रमा अर्यालले तिलोत्तमा नगरपालिकालाई खेल ग्रामको रूपमा विकास गर्नको लागि आफूले सक्दो पहल गर्ने बताएकी छिन् । उनले नेपालकै नमुना नगरपालिकाको रूपमा पहिचान बनाएको तिलोत्तमालाई अझै परिस्कृत रूपमा अगाडी बढाउने क्रममा खेलका विभिन्न पुर्वाधारहरूको विकास गरी खेल ग्रामको रूपमा विकास गरिने उनले बताएकी हुन् ।
कार्यक्रममा बोल्दै तिलोत्तमा नगरपालिका नगरकार्यपालिका सदस्य हर्ष बहादुर रम्तेलले तिलोत्तमा नगरपालिकामा सबैभन्दा ठुलो कर्भड हल निर्माणको क्रम अगाडी बढेको जानकारी दिए । उनले जसको लागि नगरपालिकाले सक्दो सहयोग गर्ने बताएका हुन ।
यस्तै कार्यक्रममा लुम्बिनी स्पोट्स क्लवका अध्यक्ष प्रत बहादुर पुनले खेल विकासको लागि पुर्वाधारको विशेष भुमिका रहेको भन्दै सरकोरवाला निकायबाट यसमा ध्यान दिन आग्रह गरे ।
क्लवका सचिव विष्णु दकामीका अनुसार भेट्रान्स र खुल्ला गरी प्रतियोगीतमा ६० वटा टिमको सहभागीता रहेको छ । कार्यक्रममा सल्लाहकार राजेन्द्र गुरुङ्ग, लेखा समिति सदस्य कमल थापा, राष्ट्रिय एम्पाएर जीवन बहादुर अधिकारी लगायतले आ आफ्नो धारणा राखेका थिए । प्रतियोगीतमा उत्कृष्ठ टिमलाई नगद सहित विभिन्न आर्कषक उपहार समेत राखेको क्लबले जनाएको छ ।
à