खोज

लोक पप गायक अर्जुन कौशलको नयाँ गीत डम्फु मादल र देशभक्ती गीत ‘यो मेरो देश हो’ सार्वजनिक भएको छ । लोक पप झ्याउरे भाकाको ‘डम्फु मादल’ र देशभक्ती गीत ‘यो मेरो देश’ लाई एक कार्यक्रमका बीच पूर्व मन्त्री तथा प्रतिनिधि सभा सदस्य छवीलाल बिश्वकर्माले विमोचन गरेका थिए । सो अवसरमा बोल्दै सभासद बिश्वकर्माले राष्ट्रभक्ती भावना भएको उक्त गीतले सबै दर्शक श्रोतामा राष्ट्रभक्ती भावना जगाउने बताए ।
संगित समाज परिवर्तनको बाहक भएको भन्दै उनले संगितको माध्यमबाट समाजको सकारात्मक परिवर्तनमा योगदान दिन आग्रह पनि गरे । सो अवसरमा बोल्दै यस क्षेत्रका बरिष्ठ संगितकार सुरेस सेन्चुरीले बिमोचित दुवै गितले दर्शक श्रोतालाई मनोरन्जनका साथै सकारात्मक सन्देश प्रवाह गर्ने बताए । कार्यक्रममा नेपाल उद्योग ब्यापार संगठन उपाध्यक्ष सिताराम रसाइली, सुनचाँदी ब्यवसायी संघ रूपन्देहीका अध्यक्ष एम.बि. बिश्वकर्मा, पूर्व सभाषद बिनोद पहाडी, समाजसेवी नारायण सुनार, कलाकार श्री प्रसाद थापा, कुलचन्द्र पुरी लगायतले बोलेका थिए । सार्वजनिक गीत यो देश मेरो हो (देशभक्ति गीत) मा शब्द र संगीत स्वयं गायक अर्जुन कौशल कै रहेको छ भने अभिनय पनि उनकै रहेको छ । भिडियोलाई निर्देशक शिब बि.कले निर्देशन गरेका छन् भने शम्भु चालिसेले छायांकन र रबिन बि.कले सम्पादन गरेका छन् । त्यस्तै डम्फु मादल गीतमा पनि शब्द, संगीत एरेन्जर स्वयं गायक अर्जुन कौशलकै रहेको छ भने अभिनयमा अर्जुन कौशलको साथमा दिपासा बि.सी.र रीना मगरलाई देख्न सकिन्छ ।