खोज

तीन महिना यता कर्णाली प्रदेश सरकारको बैठक बस्न नसक्दा सत्तापक्षनै आक्रोशित भएका छन् । गत साउन २५ गते बैठकबसी स्थगीत भएको कर्णाली प्रदेश सरकारको बैठक यो संगै तिन पटकसम्मम स्थगीत भएको छ । सरकारले तिनमहिना सम्म पनी प्रतिपक्षको मागलाई सम्बोधन गर्न नसक्नु लाजमर्दो भएको सत्तापक्षका सांसद शुसील थापाले बताए । उनले भने ‘हामीलाई सत्तापक्ष हौं भन्न पनी लाज लागेको छ ।
कर्णाली प्रदेश सरकारले रातो किताब त निकाल्नै पर्छ । यत्रो तिनमहिना सम्म बैठकनै नबसी के गरेको थियो त्यसको छानबिन हामीले अब गर्नुपर्दछ ।’ उता नाम नभन्ने सर्तमा एकजना सत्तापक्षकै सांसदले संसद बैठक समयमै सञ्चालन नगरेको कारण दशैमा घर जान नपाएको गुनासो गरे । उनले भने ‘ गाउँमा कुन मुख देखाएर जाउ । जनताले के भन्लान भनेर म दशैमा घर जान सकिन । यत्रो तीन महिनासम्म पनि बैठक नबसेको सरकारले प्रतिपक्षको जायज मागलाई ध्यान दिनुपथ्र्यो ।’ उनले थपे अब म यो कुरा संसदयीय दलको बैठकमा उठाउँछु ।’
कर्णाली प्रदेश सरकारले प्रतिपक्षको मागलाई ध्यानमा राखी भौतीक पूर्वाधार मन्त्रालय बाहेक सबै मन्त्रालयहरूको बजेटको रातो किताब तयार पारिसकेको आन्तरिक मामीला तथा कानुन मन्त्री नरेश भण्डारीले बताए । उनले भने ‘कर्णाली सरकार प्रतिपक्षको मागमा गम्भिर छ । हामीले रातो किताब पनी तयार गरिसकेको छौं । तर एउटा मन्त्रालयको बाँकी भएका कारण बैठकमा पेश गर्न नसकेको हौं ।’ गत असोज २६ गते स्थगीत भएको कर्णाली प्रदेश सभाको बैठक कात्र्तिक ११ गते बस्ने भनी सहमती भएपनी प्राविधीक कारण भन्दै आजपनी बस्न सकेन । बैठक आगामी कात्र्तिक १३ गते मंगलबार १ बजे सम्मका लागि स्थगित भएको छ ।