खोज

सैनामैना व्यापार संघको आयोजना जारी तेस्रो राष्ट्रिय सैनामैना कृषि पर्यटन तथा औद्योगिक व्यापार मेलाले नगरको पहिचान बोकेको फोटो प्रदर्शनी मुख्य आकर्षक भएको छ ।
सैनामैनाको पहिचान बोकेको रानी कुवा, बोलबम धाम मन्दिर, मलमला मन्दिर लगायत सैनामैनामा रहेका ऐतिहासिक, पुरातात्विक, धार्मिक, शैक्षिक क्षेत्रको पहिचान बोकेका स्थलहरूका फोटो प्रदर्शनीमा राखिएको छ । अन्तराष्ट्रिय विमानस्थल भैरहवा, लुम्बिनी, तिलौराकोट हुँदै सैनामैनाको ऐतिहासिक स्थलको अवलोकन गरी देवदह जाने सकिने पर्यटक हवका रूपमा विकास गर्न सहयोग पु¥याउने उद्देश्यले फोटो प्रदर्शनीलाई प्राथमिकता दिएको आयोजकले दिएको छ ।
त्यसैगरी मेलामा अष्ट्रिज चराको अवलोकन, दुग्धजन्य पदार्थबाट निर्मित परिकारको स्वाद चाख्न पाइने, उन्नत जातका कृषि विउबेर्नाहरू सुपथ मूल्यमा पाउने सकिने व्यवस्था गरिएको छ । त्यसै गरी मेलाले कृषिजन्य उत्पादनलाई प्राथमिकता दिएको छ । स्थानीय उत्पादन तथा कृषकहरूलाई आत्मनिर्भर बनाउने उद्देश्यका साथमा मेलाले महŒव दिएको छ ।
मेलामा स्थानीयस्तरमा रहेका प्रतिभाहरूको प्रतिभा प्रस्फुटन गर्ने उद्देश्यले दोहोरी गीत प्रतियोगिताको आयोजना गरिएको छ । नगरका ११ वटै वडा सहभागी रहने दोहोरी गीत प्रतियोगितामा आइतबार वडा नं २ र ३ का बीचमा दोहोरी गित प्रतियोगितको घम्साघम्सी हुने अतिरिक्त सांस्कृतिक संयोजक पिताम्वर न्यौपानेले बताए । एउटा टिममा ३ जना सहभागी हुनेछन् ।
à