खोज

नविन घिमिरे
सैनामैना ।
रुपन्देहीको विकासमा गैडहवा गाउँपालिकाले सार्वजनिक गरेको रिङरोड प्रस्तावले यस क्षेत्रको पर्यटन, कृषि र उद्योगको क्षेत्रमा महत्वपूर्ण टेवा पुग्ने विश्वास लिइएको छ ।
सैनामैना नगरको कलौनीदेखि भगवान गौतमबुद्धको जन्मस्थल लुम्विनी हुँदै भैरहवा र त्यहाँवाट वुटवल हुँदै कलौनीसम्मको करिव ८० किलोमिटर लामो रिङरोडको अवधारणाले यस क्षेत्रको आर्थिक विकासमा समेत महत्वपूर्ण परिवर्तन हुने अपेक्षा गरिएको छ ।
रुपन्देहीको ऐतिहासिक र पर्यटकीय स्थलहरुको भ्रमण गर्न तथा जिल्लामा उत्पादित कृषिजन्य वस्तु विक्रीका लागि सहज यातायातको पहुँचले सघाउ पुग्ने हुँदा रिङरोडको प्रस्ताव कार्यान्वयन गर्नुपर्ने आवश्यकतामा समेत जोड दिइएको छ । पूर्व पश्चिम लोकमार्गदेखि लुम्विनी पुग्न अहिले सैनामैनाको कलौनीवाट लुम्विनीसम्म सिधा यातायात सेवा सञ्चालन भैरहेको छ ।
कलौनीदेखि लुम्विनीसम्मको वस सेवालाई भैरहवासम्म र त्यहाँवाट वुटवल हुँदै पुनः कलौनीसम्म जोडने गरी रिङरोड वन्ने हो भने समग्र रुपन्देहीकै आर्थिक, पर्यटन र कृषि तथा उद्योगको विकासमा सघाउ पुग्ने गैडहवा गाउँपालिकाका प्रमुख प्रशासकीय अधिकृत टेकराज भट्टराईले विश्वास व्यक्त गरे ।
गैडहवा गाउँपालिकाका अधिकांश कृषक तरकारी तथा फलफूल उत्पादनमा सकृय रहेकोले उनीहरुको उत्पादन शहरसम्म पु¥याउन पनि रिङरोडको अवधारणाले सघाउ पु¥याउने गैडहवाका कृषकहरुको विश्वास छ । उक्त रिङरोडले रुपन्देहीका १६ स्थानीय तहमध्ये ५ नगरपालिका र चार गाउँपालिकालाई जोडने भएकोले ती नगर र गाउँपालिकासम्म उत्पादित कृषिजन्य वस्तु विक्री वितरणको सहज व्यवस्था हुने र त्यसले कृषकहरुको आर्थिक उन्नतीमा समेत महत्वपूर्ण सघाउ पु¥याउने अधिकृत भट्टराईले बताए ।
सैनामैना, लुम्विनी सांस्कृतिक, सिद्धार्थनगर, तिलोत्तमा नगरपालिका र वुटवल उपमहानगर तथा गैडहवा, कञ्चन, मायादेवी र सियारी गाउँपालिका उक्त रिङरोड अवधारणावाट सडक सञ्जालमा जोडिने छन । जसका कारण यस क्षेत्रमा हुने सिधा यातायात सञ्चालनवाट रुपन्देहीमा रहेका ऐतिहासिक, धार्मिक, सांस्कृतिक तथा पर्यटकीय स्थलहरुको भ्रमण गर्न सहज पहुँच हुने र उत्पादित कृषिजन्य वस्तु विक्री तथा बजार प्रवद्र्धनका लागि किसानहरुलाई ठूलो टेवा पुग्ने गैडहवा गाउँपालिकाका अध्यक्ष बच्चुलाल केवटको भनाई रहेको छ । गैडहवा गाउँपालिकाकै पहलमा केही दिनअघि जिल्ला समन्वय समितिमा वैठक वसी उक्त प्रस्ताव प्रस्तुत गरिसकिएको छ भने प्रस्तावमा सवै नगर र गाउँपालिका तथा समन्वय समितिले समेत सहमति जनाएको अध्यक्ष केवटल बताए ।
भगवान गौतम बुद्धको जन्मस्थल लुम्विनीसम्म यातायातको सहज पहुँचले त्यस क्षेत्रमा पर्यटकको संख्या बृद्धि हुनुका साथै स्थानीय जनताको जीवनस्तरमा समेत परिवर्तन आउने लुम्विनीवासी जनताको अपेक्षा रहेको पत्रकार विरेन्द्र मिश्रले बताए । अहिले कलौनीदेखि लुम्विनीसम्मको करिव २२ किलोमिटर लामो सडक खण्डको अधिकांश भाग पिच भैसकेकोले लुम्विनी घुम्न आउने पर्यटकहरुले उत्तर दक्षिणको कलौनी–लुम्विनी सिधा मार्ग प्रयोग गरिरहेका छन । उत्तर दक्षिणको कलौनी–लुम्विनी मार्गको प्रयोगले वाटोमा पर्ने गैडहवा गाउँपालिकाको अधिकांश क्षेत्र लाभान्वित हुने अवस्था आएको छ जसका कारण स्थानीय जनताको आर्थिक जीवनस्तरमा सघाउ पुग्ने गैडहवाका स्थानीय जनताको विश्वास छ ।
जिल्ला समन्वय समिति रुपन्देहीका अध्यक्ष एकराज विश्वकर्माले गैडहवा गाउँपालिकाका तर्फवाट प्रस्तुत भएको रिङरोडको अवधारणाले रुपन्देहीका अधिकांश शहरी तथा ग्रामिण भू–भाग जोडिने र त्यसवाट शहर र गाउँवीच रहेको दूरीमा समेत कमी आउने उल्लेख गरे । रिङरोडको अवधारणा अनुसार यातायातको सञ्जालले ती क्षेत्र जोडिएमा रुपन्देहीकै समग्र कृषि, पर्यटन, उद्योग र व्यापार क्षेत्रको प्रवद्र्धन र विस्तारमा सहयोग पुग्ने जिल्ला समन्वय समितिका सदस्य खेमराज लुईटेलले बताएका छन् ।