खोज

 सिमा क्षेत्रमा हुने भंसार छली र तस्करी नियन्त्रणमा कडा रूपमा प्रस्तुत हँुदै आएको कपिलवस्तु प्रहरीले दसंै तिहार लगायतको चाडका बेला सिमानाकामा यात्रुलाई समस्या पर्न नदिन नागरिक सहायता कक्ष सञ्चालन गरेको छ । कपिलवस्तु प्रहरीको अगुवाईमा कृष्णनगर, मर्यादपुर र चाकलचौडा नाकामा नागरिक सहायता कक्ष सञ्चालन गरिएको हो । बिगतमा सीमामा जाने नेपाली नागरिक, प्रवासबाट नेपाल आउने र फर्किने प्रवासी नेपालीले बिभिन्न सास्ती भोगेको जन गुनासो आउने गरेकाले सो कक्ष सञ्चालनमा ल्याइएको जनाइएको छ ।
सिमा क्षेत्र चाकलचौडामा नागरिक सहायता कक्ष सञ्चालनसँगै नागरिक मैत्री बातावरण र सचेतनाका कार्यक्रम अन्तर्गत दुर्घटना न्यूनीकरणका लागि पर्चा, पम्पलेट बितरण गरिएको ईलाका प्रहरी कार्यालय पकडीका प्रहरी निरिक्षक सन्तोष कुमार पोखरेलले जानकारी दिए । नागरिकसँग मैत्रीवत सम्बन्ध राखी सिमा क्षेत्रमा हुन सक्ने अवान्छित क्रियाकलापलाई नियन्त्रण गर्नु कक्ष सञ्चालनको मुख्य उद्देश्य रहेको उनले बताए । सिमा क्षेत्रमा दशंै र तिहारका बेला यात्रु ठगिने, लुटिने र दुर्घटनामा समेत बृद्धि हुने सम्भावना रहकाले जिल्लाको तीन भारतिय सीमा नाकामा नागरिक सहायता कक्ष सञ्चालन गरिएको प्रहरी उपरिक्षक मनोज कुमार यादवले बताए । हाल सञ्चालनमा ल्याइएको नागरिक सहायता कक्ष दशंै र तिहार अबधिभरि यथावत रहने उपरीक्षक यादवले जानकारी दिए । पछिल्लो समय सिमा क्षेत्रमा हुने तस्करी र भंसार चुहावटमा कडाई गरे सँगै सिमा सुरक्षाको जिम्मेबारी लिएको शसस्त्र प्रहरी बलको तुलनामा नेपाल प्रहरीले दुई गुणा बढी भंसार चुहावट र चोरीका सामग्री बरामद गरि भंसार चलान गरेको छ ।