खोज

 वरिष्ठ अधिवक्ता, साहित्यकार एवं पत्रकार सेनानी दिल साहनीमाथि बुटवलमा भएको दुव्र्यवहारप्रति उद्योगी, नागरिक समाज, वार एसोसियसन, पुरानो बटौली संरक्षण समिति लगायत ८ वटा संघसंस्थाहरूले आपत्ति जनाएका छन् । उनीहरूले मंगलबार संयुक्त विज्ञप्ती जारी गर्दै लेखक एवं बुद्विजीवी साहनीमाथि भएको दुव्र्यवहार खेदजनक रहेको बताएका छन् ।
उनीहरूले नेपाली राष्ट्रियता, राष्ट्रिय स्वाधीनता र स्वाभिमानको पक्षमा साहनीले आफ्नो विचार राखेकै कारण उनीमाथि दुव्र्यवहार हुनु गम्भीर भएको भन्दै यस्ता अमर्यादित हर्कत नदोहो¥याउन सम्बन्धित पक्षलाई चेतावनी दिएका छन् । विज्ञप्ती जारी गर्नेहरूमा पुरानो बटौली संरक्षण समितिका अध्यक्ष रबिन्द्र लाकौल, राष्ट्रिय स्वाधिनताका लागी नागरिक मञ्चका अध्यक्ष पदम कार्की, पाल्पाली समाज नेपालका उपाध्यक्ष जितबहादुर भाट, उच्च अदालत बार एशोसियसनका अध्यक्ष षडानन्द भण्डारी, अखिल नेपाल उद्योग व्यापार संघका अध्यक्ष ढुण्डीराज पौडेल, रिक्सा व्यवसायी संघका अध्यक्ष कृष्ण तिवारी, नेपाल उद्योग व्यापार संघका अध्यक्ष शंकर कोइराला, नेपाल घरबहाल सरोकार संघका अध्यक्ष खगेन्द्र पौडेल रहेका छन् ।
गत असोज ५ गते बुटवल उपमहानगरपालिकाले सर्वपक्षीय बैठक बोलाएको थियो । लेखक साहनीले ऐतिहासिक जितगढी किल्लालाई सरकारले पेन्सन क्याम्प (पीपीओ) सम्झौताको नाममा भारतलाई बुझाएको प्रति आपत्ति जनाउँदै आएका थिए । बुटवलमा “ऐतिहासिक जितगढी किल्ला बचाऊ अभियान” गठन गरेर सम्झौता विरुद्ध आन्दोलन चलिरहेको छ । लेखक साहनी वरिष्ठ अधिवक्ता, पत्रकार सेनानी, साहित्यकार एवं प्राध्यापक समेत हुन् ।
यस्तै वरिष्ठ साहित्यकार दिल साहनीमाथि बुटवलमा भएको दुव्र्यवहारप्रति रूपन्देहीमा रहेका विभिन्न साहित्यिक संघसंस्था एवं स्रष्टाहरूले गम्भीर ध्यानाकर्षण भएको बताएका छन् ।
मंगलवार एक प्रेस विज्ञप्ती जारी गर्दै एक बौद्धिक व्यक्तित्वको हैसियतले राष्ट्रियताको बिषयमा आफ्नो विचार राख्दा अमानवीय दुव्र्यवहार हुनु खेदपूर्ण र आपत्तिजनक भएको बताएको छ । विज्ञप्तीमा उल्लेख छ, “बौद्धिक व्यक्तित्व, वरिष्ठ अधिवक्ता, स्रष्टा एवं पत्रकार सेनानीको हैसियतले आफ्नो विचार राख्न पाउने संवैधानिक अधिकार कुण्ठित गराइएको उक्त घटना निन्दनीय, खेदपूर्ण र आपत्तिजनक छ ।
विज्ञप्तीमा कवि एवं वरिष्ठ साहित्यकारहरू रामचन्द्र भट्टराई, प्राडा. हिरण्यलाल ज्ञवाली, बुटवल कला साहित्य संस्कृति प्रतिष्ठानका अध्यक्ष दीपक ज्ञवाली, कवि दीपक विक, प्रगतिशील लेखक संघ रूपन्देहीका कार्यवाहक अध्यक्ष कविराज पौडेल, साहित्य संगमको तर्फबाट कवि गिरी श्रीस मगर, सरिता श्रीस मगर, कृष्ण गाउँले, पाठक मञ्चको तर्फबाट रामचन्द्र श्रेष्ठ, माधव गौतम, कृष्ण पाण्डे, प्रलेस प्रदेश नं. ५ सचिवालय सदस्य खोमा तरामु मगर, बुटवल साहित्य परिषदबाट ज्ञानु केसी, लिला राना मगर, गजल सागर नेपालका अध्यक्ष मिन राना, लुम्बिनी वाङ्मय प्रतिष्ठान नेपालका केन्द्रीय सचिव ऋषि आजाद, छन्दवादी समाज नेपालका अध्यक्ष श्याम तिवारी, सिद्धार्थ साहित्य समाजका अध्यक्ष शशी पन्थी, न्यु होराइजन साहित्य परिषदका अध्यक्ष हरि पौडेलले हस्ताक्षर गरेका छन् । लेखक एवं साहित्यकारहरूले देशभरका सम्पूर्ण देशभक्त लेखक स्रष्टाहरूलाई राष्ट्रियताको पक्षमा दृढतापूर्वक कलम चलाउन अपील समेत गरेको छ । लेखक साहनीमाथि भएको अमानवीय दुव्र्यवहारप्रति नेकपा, नेकपा (क्रान्तिकारी माओवादी), नयाँ शक्ति पार्टी नेपाल रूपन्देही र दर्जनौं सामाजिक एवं उद्योगी व्यवसायिक संघसंस्थाहरू, नागरिक समाज, पत्रकार एवं बुद्विजीवीहरूले पनि आपत्ति जनाएका छन् । à