खोज

बुटवलमा भएको लिटल प्रिन्स एण्ड प्रिन्सेस–२०७५ को उपाधि विजेतालाई शनिबार पुरस्कार वितरण गरिएको छ । हालै सम्पन्न एड्भेन्ट नेपाल बुटवलले आयोजना गरेको प्रतियोगितामा सुयोग श्रेष्ठ र आकृति कंडेलले जितेका थिए । उनीहरूलाई एक कार्यक्रमको आयोजना गरी पुरस्कार वितरण गरिएको हो ।
उपाधि विजेताले एक÷एक वटा साईकल, विभिन्न गिफ्ट हेम्परहरूसँगै म्यूजिक भिडियोमा खेल्ने अवसर पाउने भएका छन् । यस्तै प्रतियोगितामा प्रिन्सतर्फ सौर्या श्रेष्ठ र प्रिन्सेसतर्फ इच्छा प्रधान फस्ट रनरर्फ, प्रियन्स महर्जन र युना श्रेष्ठ सेकेण्ड रनरअफ, अर्गनाईजर च्वाईसमा अनिश कण्डेल र हिमानी शाक्य, फोटोजेनिकमा आनन्द घिमिरे र सैम्या बुढाथोकी, मल्टिमिडियातर्फ अनिश कण्डेल र आकृति कण्डेल, मस्ट कन्फिडेण्टमा काभ्याम देवकोटा र युनिभा श्रेष्ठ, मष्ट डिसिपिलीनमा सुयोग श्रेष्ठ र प्रान्जु श्रेष्ठ, बेष्ट हेण्डसममा उत्सव श्रेष्ठ र ब्यूटिफुलमा असिम थापा, मष्टक्रियटिभमा सौर्या श्रेष्ठ र इच्छा प्रधान, बेष्ट वाकमा सर्वेश ज्ञवाली र सवल श्रेष्ठ, भिवरच्वाईसमा सुयोग श्रेष्ठ र युना श्रेष्ठ विजयी भएका हुन् ।
करियोग्राफर शुभेच्छा श्रेष्ठ र एड्भेन्ट नेपालका अध्यक्ष विष्णु ज्ञवालीले पुरस्कार वितरण गरे । एड्भेन्ट नेपालका अध्यक्ष ज्ञवालीले बालबालिकाको प्रतिभा बाहिर ल्याउन कार्यक्रम गरिएको बताए । कार्यक्रममा चलचित्र पत्रकार संघका रूपन्देही अध्यक्ष सुमन श्रेष्ठ, बालबालिकाका अभिभावक लक्ष्मी कंडेल, रोशनी बज्राचार्य लगायतले यस्ता कार्यक्रमले बालबालिकाको प्रतिभा बाहिर निकाल्न सहयोग पुग्ने बताए ।