खोज

नवलपुरको कावसोतीमा आईतबार आन्तरिक राजश्व कार्यालय, भरतपुर करदाता सेवा कार्यालयको उद्धघाटन गरीएको छ । नवलपरासी जिल्ला वर्दघाट सुस्ता पूर्व नवलपुरको कावासोतीमा एक कार्यक्रमको आयोजना गरी कार्यलयको उद्घाटन गरीएको हो । सोही अवसरमा दोहोरो कर सरकाले नलिने अर्थमन्त्रि डाक्टर युवराज खतिवडाले बताएका छन् । साथै सवै करहरू एक ठाँउबाट मात्र उठाईने समेत अर्थमन्त्री खतिवडाले बताएका हुन् । संघ, प्रदेश, स्थानिय तह तिन तहका सरकार भएको र तिनै तहका सरकारले कर उठाएर मार्ने भए भन्ने कुराहरू नभई सरकार तिन तहका भएको, करको भाग वण्डा तिनै तहका सरकारमा रहेको तर कर चाहि एक ठाउँमा मात्र तिर्ने उनको भनाई रहेको छ । यस्तै कानुन संवत नभएको कर स्थानीय तहले उठाउन नपाउने उनले बताएका छन् । एकदुई वटा स्थानीय तहले नजानेर कर लगाउदा सबै स्थानीय तहले लगाए भनेर सामाजिक संजालमा भाईरल बनाउने काम मात्र भएको अर्थमन्त्रि डा. खतिबडाले दाबी गरे ।
अर्थमन्त्री डा. खतिवडाले करका वारेमा केहि कुरामा द्विविधा भएको भए ती द्विविधालाई व्यवसायीहरूसँग छलफल गरेर समाधान गरिने समेत बताएका छन् । नवलपरासी पूर्व नवलपुरमा आन्तरीक राजश्व कार्यालय नहँुदा करदाताहरू कर बुझाउन भरतपुर र बुटवल जानुपर्ने बाध्यता रहेकोमा अब भने करदाताहरूले सहज रूपमा आफ्नै ठाउमा कर तिर्न पाउने हुँदा धेरै सहजता हुने नवलपुर उद्योग बाणिज्य संघका अध्यक्ष डासुराज पोखरेलले बताए ।